Salmus 62:1-12
Cantaqkunata dirigeqpaq. Jedutun. David qellqanqan salmus.
62 Teyta Diostam yanapëkamänampaq tranquïlu shuyëkä,pëmi salvamanqa.+
2 Teyta Diosqa qaqa cuentam, pëmi salvamaqnï, pëmanmi tsapämänampaq ëwä,+ima pasakuptimpis manam mantsakäshaqtsu.+
3 Mana alli nunakunaqa juk nunata wanutsita munar, ¿imëyaqraq qatikachäyanqa?+
Qamkunaqa ishkinëkaq perqanö y rumipita perqashqa ishkinëkaq perqanömi alläpa mantsëpaq kayanki.
4 Tsë nunakunaqa manam respetashqa kananta munayantsu,ulikurqa o llullakurqa kushishqam kayan.
Shonqunkunachö chikikarpis allitukurmi parlapäyan.+ (Sëlah).
5 Teyta Diostam yanapëkamänampaq tranquïlu shuyarëkä,+pëmi salvamanqa.+
6 Teyta Diosqa qaqa cuentam, pëmi salvamaqnï,pëmanmi tsapämänampaq ëwä, ima pasakuptimpis manam mantsakäshaqtsu.+
7 Teyta Diosmi salvamaqnï, pë yanapamaptinmi respetashqa kä,pëqa alli fuerti qaqanömi, Diosnïmi, y pëmi tsapämaqnï.+
8 Llapëki nunakuna, Teyta Diosnintsikman imëpis confiakuyë,llapan shonquykikunawan mañakuyë.+
Pëmi imëkapita tsapämantsik.+ (Sëlah).
9 Nunakunaqa jamaninöllam ushakäriyan,+manam confiakuypaqtsu kayan.
Llapankunata balanzaman churarkuptikiqa manam jamaninöllapis lasäyantsu.+
10 Ama nuna mayikipa imantapis amälas aparniny suwarnin alli kanëkipaq kaqta pensëtsu,ni rïcuyarpis ama kapushunqëkimanqa confiakuytsu.+
11 Ishkë kutim wiyarqö Teyta Dios,“noqam poderösu Diosqa kä” ninqanta.+
12 Teyta Jehovä, qamqa alläpa kuyakoqmi kanki,+cada nunatam imanöpis portakunqanmannö juzganki.+