Salmus 76:1-12
Cantaqkunata dirigeqpaq. Cuerdayoq instrumentukunata tocarnin cantayänampaq. Asaf+ qellqanqan salmus. Cancion.
76 Teyta Diostaqa, Judächö allipam reqiyan,+jutintapis allim musyayan.+
2 Salemchömi+ templun këkany Sion+ jirkachömi täkun.*
3 Tsëchömi ushakätsirqan ninayoq flëchakunata, escüdukunata, espädakunata y guërrapaq llapan armakunatapis.+ (Sëlah).
4 Teyta Dios, qamqa alläpam chipapanki,mëtsika chukaru animalkuna pärayanqan jirkakunapitapis mas shumaqmi kanki.
5 Valienti soldädukunapa imëkankunatam apakuyarqan,+guërrachö alli pelyaq soldädukunapis punukarmi defendikuyta puëdiyarqantsu.+
6 Jacobpa Diosnin, qam qayapaptikimcarrëta manejaqkuna y cawallukunapis punukashqa quedayarqan.+
7 Teyta Dios, qamqa alläpa poderösum kanki.+
Qam cöleraptikiqa, ¿piraq tsarakuyta puëdinman?+
8 Castiganëkipaq kaqtam ciëlupita musyatsikamurqëki,+tsëmi patsachö nunakunaqa mantsakar upälla kakuyarqan.+
9 Teyta Diosmi mana alli nunakunata castigarqany patsachö alli shonquyoqkunatam salvarqan.+ (Sëlah).
10 Nunakuna cölerakuyanqanqa, qam alabashqa kanëkipaqmi kanqa,+mas cölerayaptimpis qamllam respetashqaqa kanki.
11 Teyta Jehoväta äniyanqëkita cumpliyë.+
Jerusalenpa amänun markachö kawaq nunakuna, Teyta Diosta respetar* qarëkunata apayämuy.+
12 Teyta Diosmi orgullösu mandakoqkunata penqakatsin,pëmi patsachö mandakoqkunata mantsakätsin.
Nötakuna
^ Kënöpis niyanmi: täran; päran.
^ Hebreu idiömachöqa “mantsar” ninmi. Rikäri “Bibliachö palabrakunata entiendinapaq” neqta.