Salmus 77:1-20
Cantaqkunata dirigeqpaq. Jedutun. Asaf+ qellqanqan salmus.
77 Teyta Diosmanmi fuertipa qayakushaq yanapamänampaq.
Pëqa rogakur mañakuptï wiyamanqam.+
2 Llakikuptïqa manam imapis shoqamantsu.
Tsëmi llakikunqä junaqkuna Teyta Jehoväman mañakü,+y paqaskunapam makïta pallarkur* pëman rogakü.
3 Teyta Diosman yarparmi alläpa llakikü.
Manam imanö këtapis puëdïtsu,+ kallpäpis ushakärishqanam.+ (Sëlah).
4 Qamman pensarmi punuytapis puëdïtsu,y alläpa yarpachakurmi ima nitapis puëdïtsu.
5 Unë witsanchö pasakunqankunatam yarpäri,+tsë pasakunqankunapitaqa mëtsika watakunanam pasashqa.
6 Qampaq cantamunqä cancionkunatam* paqaskunapa yarpä,+shonqüchömi alli pensä,+tapukunqäkunapa respuestankunata entiendinqäyaqmi alli pensashaq.
7 Teyta Jehoväqa, ¿mananatsuraq imëpis yarpämäshun?+
¿Mananatsuraq imëpis yanapamäshun?+
8 ¿Alläpa kuyakoq këkarpis mananatsuraq kuyamantsik?
Änikunqankunapis, ¿mananatsuraq cumplikanqana?
9 Teyta Diosqa, ¿yanapamänantsikpaq kaqta qonqëkushqatsuraq?+
¿O cölerashqa kartsuraq llakipämantsiknatsu?* (Sëlah).
10 Noqaqa imëpis kënömi nï:
“Llapanta Gobernaq Poderösu Diosnintsik puntatanöna manana kuyamanqantsikpitam masqa llakikü”.+
11 Noqaqa Teyta Jehovä* llapan ruranqankunatam yarpäshaq.
Teyta Dios, unë witsankunachö espantëpaq ruranqëkikunatam yarpäshaq.
12 Llapan ruranqëkikunamanmi alli pensashaq.
Imatapis imanir ruranqëkikunamanmi alli pensashaq.+
13 Teyta Dios, llapan ruranqëkikunapis allillam,¿piraq qamwanqa igualanman?+
14 Teyta Dios, qamllam rasumpa Diosqa kanki, imëkatapis mantsakëpaqtam ruranki.+
Mëtsë markakunachö nunakunapis poderösu kanqëkitam musyayan.+
15 Poderösu karmi sirwishoqnikikunata salvarqunki.+
Pëkunaqa Jacobpa y Josëpa tsurinkunam kayan. (Sëlah).
16 Teyta Dios, yakum rikëkushurqëki,y rikëkushurnikiqa alläpam mantsakarqan.+
Mas honduchö kaq yakupis mantsakarmi karkaryarqan.
17 Pukutëpitam tamyamurqan.
Pukutarëkaq ciëluchömi räyupis bunrurümurqan.
Y flëchanöran räyupis mëtsëpa tillapyämurqan.+
18 Räyu bunrurümunqanqa,+ carrëtakunapa ruëdannöraqmi wiyakämurqan.
Räyu tillapyaptinmi entëru patsa* atsikyarqan,+tsëmi patsaqa alläpa kuyurqan.+
19 Lamar chowpimpam* nänita rurarqëki,+atska yaku chowpimpam ëwarqëki.
Peru ëwanqëki rastruqa manam quedarqantsu.
20 Sirwishoqnikikunataqa üshatanömi pusharqëki,+y Moiseswan Aaronmi cuidaqninkuna kayarqan.+
Nötakuna
^ Kënöpis niyanmi: joqarkur.
^ O “müsicata tocamunqätam”.
^ Kënöpis niyanmi: ankupämantsiknatsu; kuyapämantsiknatsu.
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
^ O “wayoq patsa”.
^ Kënöpis niyanmi: pullannimpam.