Salmus 79:1-13
Asaf+ qellqanqan salmus.
79 Teyta Dios, sirwishoqnikikunata entreganqëki markakunamanmi juk nacion nunakuna yëkayämushqa.+
Manam sagrädu templuykitapis respetayashqatsu.+
Jerusalentapis ushakätsiyashqam.+
2 Sirwiyäshoqnikikunata y kuyayäshoqnikikunata wanutsirmi,wiskurkuna y chukaru animalkuna mikunampaq dejayashqa.+
3 Yawarninkunatapis Jerusalenpa entëru lädunmanmi yakutanö jichayashqa,y ayankunata pampanampaqpis manam ni pï kawëkar quedashqatsu.+
4 Tsëta rikarmi vecïnükunapis noqakunapita burlakuyan,+llapan reqiyämaqkunam penqapäyäman y asipäyäman.
5 ¿Imëyaqraq Teyta Jehovä noqakunawan cölerashqa kakunki?
¿Manatsuraq imëllapis cölerëki pasanqa?+
¿Imëyaqraq alläpa cölerashqa kakunki?+
6 Cölerashqa karqa, mana reqiyäshoqniki juk nacion nunakunatay jutikita mana alabaq gobernantikunata castiguë.+
7 Pëkunaqa Jacobpa kastankunatam ushakätsiyashqa,markankunatapis ushakätsiyashqam.+
8 Teyta Dios, ama unë kastäkuna jutsata* rurayanqampita castigayämëtsu,+kananqa llakipëkayämë,*+chikiyämaqkunam alläpa penqakatsiyämashqa.
9 Yanapëkayämë y salvëkayämë Teyta Dios,+qampa jutikiqa alläpa respetashqam;jutikiqa respetashqam,salvëkayämë y jutsata* rurayanqäpita perdonëkayämë.+
10 Tsënöpam mëtsë nacionchö nunakunaqa, “¿mëchötan Diosninkuna këkan?”+ nir parlayanqatsu.
Sirwishoqnikikunata wanutseqkunataqa rikëkäyaptï castiguëkullë.
Y mëtsë nacionchö nunakunapis tsëta musyayätsun.+
11 Prësurëkaq nuna llakikunqanta wiyëkullë.+
Qamqa alläpa poderösum kanki,wanutsiyänampaq condenayanqan nunata salvëkullë.+
12 Teyta Jehovä, imëkata nir insultayäshunqëkipita+vecïnükunata qanchis kuti mas castiguëkuy.+
13 Tsëmi noqakunaqa Teyta Dios imëpis agradecikuyashqëkiy alabashqa kanqëkitam imëyaqpis willakuyäshaq.+
Noqakunaqa sirwishoqnikikunam kayä,qewëkichö mikoq üshëkikunam kayä.+
Nötakuna
^ Kënöpis niyanmi: ankupëkayämë; kuyapëkayämë.
^ Kënöpis niyanmi: pecäduta.
^ Kënöpis niyanmi: pecäduta.
