Salmus 82:1-8
Asaf+ qellqanqan salmus.
82 Diosnö* këkaqkunam juntarëkäyan,+pëkunapa puntanman jamëkurmi Teyta Dios juzgar kënö nin:+
2 “¿Qamkunaqa imëyaqraq munayanqëkinö juzgar kakuyanki?+
¿Imëyaqraq mana allita ruraq nunapa favornin yarquyanki?+
3 Waktsakunata, papäninnaqkunata defendiyë.+
Familiannaq kaqkunapaq y waktsakunapaq justiciata rurayë.+
4 Yanapayë waktsakunata y imannaqkunata,mana alli nunakunapa makimpita salvayë”.
5 Tsë juezkunaqa* manam imatapis musyayantsu ni entiendiyantsu;+ampichö o tsakëchö* wakpa këpa pureq cuentam këkäyan.
Pëkunaqa manam justicia rurëta yachayantsu,ni leykunatapis respetayantsu.+
6 “Pëkunatam kënö nirqö:* ‘Noqam Llapanta Gobernaq Poderösu Dios käy qamkunaqa puëdeq tsurïkunam* kayanki.+
7 Peru tsënö këkarpis nunakunanömi ushakäyanki.+
¡Dirigentikunanömi wanuyanki!’”.+
8 Teyta Dios patsachö llapan nacionkunam qampa,+kanan höra sharkur* llapan nunakunata juzguëkullë.
Nötakuna
^ O “Dioskunanö”. Hebreu idiömachöqa “Dioskuna” ninmi.
^ Kënöpis niyanmi: tutapëchö.
^ Pëkunaqa versïculu 1 ninqan dioskunam kayan.
^ Hebreu idiömachöqa “noqa Teyta Dios” ninmi.
^ O “dioskunam”. Hebreu idiömachöqa “dioskunam” ninmi.
^ Kënöpis niyanmi: ichirkur.
