Salmus 84:1-12
Cantaqkunata dirigeqpaq. Guitit* nötachö tocayänampaq. Corëpa kastankuna+ qellqayanqan salmus.
84 Angelkunata mandaq Teyta Jehovä,¡carpa* wayikiqa alläpa shumaqmi!*+
2 Teyta Jehovä, wayikipa patiunkunachö këtaqa alläpam munëkü.
¡Tsëchö këpaqqa alläpam löcuyäkü!+
Imëyaqpis kawaq Dios, qamtaqa llapan shonqüwan y llapan kallpäwanmi alabaq
3 Angelkunata mandaq Teyta Jehovä,wayikichöqa altarniki lädunmampam,pishqukunapis punuyan y wayanïtakunapis qeshunkuna rurëkur wawankunata cuidayan.
¡Qammi Diosnï y Gobernantï kanki!
4 Wayikichö kaqkunaqa, ¡imanö kushishqaraq kayan!+
Pëkunaqa imëpis alabëkäyäshunkim.+ (Sëlah).
5 Kallpayoqta tikratsinqëki nunakunaqa, alläpa kushishqachi kayan.+
Wayikiman shamoq nänipa shamoq nunakunapis alläpachi kushikuyan
6 Kushishqa shamurmi, Bacä montikuna urëtapis* mëtsika yakutanö pasayämun.
Y tamyapis bendiceqnömi tsë kinrë tsaki patsakunata oqürin.*
7 Karuta shayämuptimpis manam kallpankuna ushakantsu,+y Sionmanmi puntëkiman chäyämun.
8 Angelkunata mandaq Teyta Jehovä, mañakamuptï wiyëkallämë.
Jacobpa Diosnin, wiyëkallämë. (Sëlah).
9 Qammi escüdükuna+ y Diosnïkuna kanki, rikärayämë,*akranqëki nunata rikëkullë.+
10 Teyta Dios, juk junaqllapis patiuykichö kanqämi,juk lädukunachö mil junaq kanqäpitaqa mas alli.+
Mana alli nunakunapa shumaq wayinkunachö kanäpa rantinqa,wayikiman yëkamoq punkuchö kanqämi mas alliqa.
11 Teyta Jehovämi noqantsikpaqqa, intinö o rupaynö chipapämun+y escüdu cuentam tsapämantsik.+
Pëmi yanapamantsik y respetashqata tikratsimantsik.
Cäsukur kawaqkunataqa, Teyta Jehoväqa imëka allikunatam qaranqa.+
12 Angelkunata mandaq Teyta Jehovä,qamman confiakamoq nunaqa kushishqam kawakun.+
Nötakuna
^ Rikäri “Bibliachö palabrakunata entiendinapaq” neqta.
^ Kënöpis niyanmi: toldu.
^ O “alläpam kuyëkü”.
^ O “bacä (bekja) montikuna kanqan pampakunatapis”.
^ O capazchi “yachatseqnin bendicirin”.
^ O capazchi “escüdükunata rikëkamuy Teyta Dios”.
