Salmus 90:1-17
Dios Yayapa sirweqnin Moises Teyta Diosman mañakunqan.+
90 Teytallä Jehovä, qammi noqakunapaqqa alli segurashqa törrinö*+ imëpis karqunki.
2 Kë patsata manaraq kamar,jirkakunapis manaraq kaptin y muruna chakrakunapis manaraq kaptinmiqamqa Teyta Diosna karqëki.+
Qammi imëpitapis y imëyaqpis Teyta Dios kanki.+
3 Qam munaptikim nunakunaqa allpaman kutiyan.
Qammi ninki: “Nunakunapa tsurinkuna allpaman kutiyë”.+
4 Qampaqqa mil watakunapis pasarin qanyan junaqnöllam,+juk ishkë höranöllam pasarin.*
5 Nunakunataqa yaku apaqnömi illaqpita ushakätsinki,+pëkunaqa juk suëñuynöllam pasariyan.
Patsa warämuptin, tseqllimoq plantanömi kayan.+
6 Shumaq verdirar y wëtar warämurpis,tardipaqqa tsakireq plantanömi kayan.+
7 Qam cöleraptikiqa alläpam mantsakäyä,+y wanurmi o wañurmi ushakäyä.
8 Jutsata* rurayanqätapis rikëkankim,+pakëllapa rurayanqäkunatapis clärum rikëkanki.+
9 Qam cölerashqa kaptikim wanur ushakäyänäpaqna këkäyä,noqakunaqa jamaninö ushakäreqllam kayä.
10 Nunakunaqa setenta watallam kawayäy mas fuerti kaqkunam ochenta wataman chäyan,+tsënö kawarpis sufrirlla y llakikurllam kawayä.
Tsë watakunaqa jukllam pasarin y wanurmi ushakäyä.+
11 Imanömi alläpa respetashqa kanki, tsënöllam cöleranqëkipis alläpa mantsëpaq,tsëmi nunakunaqa cöleranqëkita allillaqa entiendiyantsu.+
12 Teyta Dios, alli pensëkurmi shumaq kawakuyäshaq,ëka tiempullana* kawayänäpaq kaqta musyëkatsiyämë.+
13 Teyta Jehovä, yapë yanapëkayämë,+¿imëyaqraq kënö kayäshaq?+
Sirwishoqnikikunam kayä, llakipëkayämë.*+
14 Patsa waräriptinlla imëka allikunata rurar,+ alläpa kuyakoq kaqëkita rikätsiyämë,tsënöpam kushishqa cantayäshaq y wanukuyanqäyaq o wañukuyanqäyaq kushishqa kayäshaq.+
15 Teyta Dios, imëkata sufritsiyämanqëkipita y imëkapa pasatsiyämanqëkipita,+kananqa kushishqa kayänäpaq yanapëkayämë.+
16 Imëkata ruranqëkikunata sirwishoqnikikuna rikäyätsun,y tsurinkunapis poderösu kanqëkita rikäyätsun.+
17 Teyta Jehovä, bendicïkayämë,llapan rurayanqäta bendicïkamuy.
Trabajayanqäta imëkanöpa bendicïkamuy.+
Nötakuna
^ O capazchi “alli següru sitiunö”.
^ O “paqaspa juk o ishkë höra pasareqnöllam pasarin”.
^ Kënöpis niyanmi: Pecäduta.
^ Hebreu idiömachöqa “junaqnïkunata yupëta yachatsiyämë” ninmi.
^ Kënöpis niyanmi: ankupëkayämë; kuyapëkayämë.
