Salmus 91:1-16
91 Llapanta Gobernaq Poderösu Diospa alli següru y mana ni pï musyanan sitiunchö kawaq nunataqa,+Llapanta Puëdeq Teyta Diosmi, wawankunata älan rurinman wallpa pakaqnö pakëkunqa.+
2 Teyta Jehovätam kënö nishaq: “Qammi tsapämaqnï kanki, qammi alli següru markanö kanki,+qammi Diosnï kanki, qammanmi confiakamü”.+
3 Pëmi pishqu tsareqpa trampampita,y wanutsikoq plägapita salvashunki.
4 Wawankunata plüman rurinman wallpa tsapaqnömi tsapäshunki.+
Älan rurinman yëkuptikiqa manam imapis imanashunkinatsu.
Pëqa manam imëpis dejashunkitsu,+escüdunö+ y markapa murällannömi tsapäshunki.
5 Manam mantsankitsu paqaspa peligrukunata,+ni junaqpa flëchayanqan flëchakunata+
6 ni paqaspa pureq plägata,ni pullan junaq wanuyanqanta o wañuyanqanta rikarpis.
7 Izquierda läduykichömi, mil nunakuna wanur ushakäyanqa,y derëcha läduykichönam, diez mil nunakuna wanur ushakäyanqa,peru qamtaqa manam ni imapis imanashunkitsu.+
8 Rikëkaptikim tsë llapan pasanqa,rikankim mana alli nunakuna imanö ushakäyaqta.
9 Qamqa, “Teyta Jehovämi tsapämaqnï” nirmi,Llapanta Gobernaq Poderösu Diosta imëkapita tsapäshunëkipaq ashirqunki.+
10 Manam ima desgraciapis qammanqa chämunqatsu,+ni manam ima pläga wayikiman chämunqatsu.
11 Angelninkunatam mandamunqa+mëta ëwaptikipis cuidashunëkipaq.+
12 Pëkunam makipita janchayäshunki,+ima rumichöpis chakikita mana takanëkipaq.+
13 Mallwa leon janampa y cobra nir reqiyanqan culebra janampam purinki.
Mantsëpaq leonta y jatun culebratam jarunki.+
14 Teyta Diosmi kënö nirqan: “Pëqa kuyamanmi, salvashaqmi,+jutïtapis musyanmi, tsëmi imëka mana allipita tsapäshaq.+
15 Qayamaptimpis wiyashaqmi.+
Llakikunqan hörakunapis lädunchömi këkäshaq.+
Noqam salvashaq y respetashqatam tikratsishaq.
16 Imanö salvanqätam rikanqa,+y unëpa kawananta permitiptïmi kushishqa kanqa”.+