Salmus 95:1-11
95 Qayëkacharnin Teyta Jehoväta kushishqa alabanapaq shayämuy. Pëmi qaqanö tsapämaqnintsik.
Pëmi salvamarquntsik, kushishqa pëpaq cantashun.+
2 Agradecikur kushishqa puntanman ëwashun.+
Guërrata ganar cantayanqannö kushishqa pëpaq cantashun.
3 Teyta Jehoväwanqa manam ni pï igualantsu. Pënöqa manam ni pï gobernantipis kantsu.
Pëqa llapan dioskunapitapis mas puëdeqmi.+
4 Pëmi patsa rurintapis poderninchö katsin,mas altu jirkakunapis pëpam.+
5 Kikin rurashqa kaptinmi lamarpis pëpa,+y tsaki patsatapis makinwanmi rurarqan.+
6 Puntanman qonqurikur adoranantsikpaq shayämuy.
Kamamaqnintsik Teyta Jehoväpa puntanman qonqurikushun.+
7 Pëmi Diosnintsik,noqantsikqa qewanchö mikoq üshanmi kantsik.+
Cuidamanqantsik üshanmi kantsik.
Teyta Diosmi kënö nin: “Kanan parlapëkanqaqta wiyamarqa,+
8 ama tsunyaq sitiuchönö kayëtsu;ama Meribächö*+ ni Masächö*+ kayanqëkinö munënikikunata rurakoq kayëtsu.
9 Tsëchömi unë kastëkikunaqa pacienciäta* ushakätsita munayarqan.+
Imëka ruranqäta rikëkarpis mana kaqpaqmi churayämarqan.+
10 Tsëmi pëkunataqa cuarenta watapa rikëtapis munarqätsu y kënömi nirqä:
‘Kë nunakunaqa shonqunkuna munanqanllatam rurakuyta munayany manam yachatsinqätaqa cäsuyämantsu’.
11 Tsëmi cölerar nirqä:*
‘Pëkunaqa manam jamanqä junaq jamayanqatsu’”.+
Nötakuna
^ Meribä jutiqa “pleytuy o discuti” ninanmi.
^ Masä jutiqa, “pruëbaman churë” ninanmi. Rikäri “Masllata musyanapaq” neqchö A2 kaqta.
^ Hebreu idiömachöqa “pruëbaman churayämarqan” ninmi.
^ O “jurarqä”.
