Salmus 98:1-9
-
Jehovä, Salvakoq y alli kaqllata ruraq Juez
-
Teyta Jehovä salvakoq kanqanta musyatsikun (2, 3)
-
Salmus.
98 Teyta Jehovämi espantëpaq cösaskunata rurashqa,+mushoq cancionta pëpaq cantayë.+
Derëcha y sagrädu rikranwanmi salvashqa.*+
2 Teyta Jehovämi salvakoq kanqanta musyatsikushqa.+
Justiciata ruraq kanqantam mëtsë nacionkunata musyatsishqa.+
3 Israelta alläpa kuyanqanta y änikunqanta cumpleq kanqantam yarpashqa.+
Patsapa entëru kuchunkunachöpis Teyta Dios salvakoq kanqantaqa* musyayashqam.+
4 Entëru patsachö nunakuna, Teyta Jehoväta qayëkachar alabayë.*
Kushishqa kayë, kushishqa kayanqëkipita qayëkachäyë y cantar alabayë.*+
5 Arpata tocar Teyta Jehoväpaq cantayë,arpata tocar shumaq cancionkunata cantayë.
6 Trompëtakunata tocar, waqrakunata tocar+Gobernanti Jehoväpa puntanchö kushishqa qayëkachäyë.
7 Lamarpis y tsëchö kaqkunapis bunrurüyätsun,patsapis* y tsëchö kawaqkunapis kushishqa alabayätsun.
8 Mayukunapis* kushishqa paqchiyätsun o taqllayätsun.
Jirkakunapis kushishqa qayëkachäyätsun+
9 Teyta Jehoväpa puntanchö. Pëmi entëru patsachö nunakunata juzganampaq shamuykan.*
Pëmi entëru patsachö* nunakunata,+mëtsë markakunachö nunakunata justiciata rurar juzganqa.+
Nötakuna
^ O “vencinampaq yanapashqa”.
^ O “vencinqantaqa”.
^ O “müsicata tocayë”.
^ O “müsicata tocayë”.
^ O “muruna chakrakunapis”.
^ Kënöpis niyanmi: Riukunapis.
^ O “shamushqa”.
^ O “muruna chakrakunachö”.