Diostsu manam Diablutaqa kamashqa. Juk alli angeltam kamarqan, tsë angelnam Diablu o Satanasman tikrarirqan. Jesus ninqannöpis, Diabluqa manam kanan kanqannötsu ulikoq o llullakoq y wanutsikoq karqan. Diospa alli ruraq wamranmi karqan. (Lei Juan 8:44.)

Diabluman tikraq angelqa Diospa contranmi churakarqan, y Adantawan Ëvatam paqwë tentarqan Diospa contran rebelakuyänampaq. Kikinmi Diabluman tikrarirqan y këqa “tumpakoq” ninanmi, y Satanasqa “chikikoq o contrakoq” ninanmi. (Lei Génesis 3:1-5 y Apocalipsis 12:9.)

Diospa wakin musyaq wamrankunanöllam Diabluman tikraq angelqa allita o mana allita akrëta puëdirqan. Pëta adorayänampaq munënin más miranantam dejarqan y tsë munëninmi Diosta wiyakïpitapis más jatunyarqan. (Lei Mateo 4:8, 9 y Santiagu 1:13, 14.)

¿Imatataq Diablu rurashqa nunakunata engañanampaq? ¿Mantsashwantsuraq? Bibliachömi respuestantaqa tarinki.