¿Familia feliz causallunga imadi ministirin?
¿Imada yuyishcangui...
-
... juyai?
-
... cullqui?
-
... o cutishuj cosasguna?
BIBLIAGA CAIDAMI NIN
“¡Taita Diosbu Shimida uyish cazujgunami feliz causanga!” (Lucas 11:28, Traducción del Nuevo Mundo, 2019).
CAIDA YACHASHAGA IMASHINADI BENEFICIARINCHI
Cusa huarmiunmi juyanajunga (Efesios 5:28, 29).
Caishuj chaishujmi respetoun causanajunga (Efesios 5:33).
Allimi causashun (Marcos 10:6-9).
¿BIBLIABI NISHCAGUNADAGA CRINALLU GANCHI?
Ari, Bibliami caida huillan:
-
Taita Diosmi familiadaga rrurrirca. Bibliaga Taita Diosmi punta jari huarmida cazarachirca, paigunami cusa huarmi tucurca nin (Génesis 2:18-24). Chaimundami tucuiguna shuj familiada charinchi. Taita Diosga familia tiyallunmi munirca. Caida intindinaga importantemi gan.
Caibi yuyai: mishqui micunada micujushaga ¿nallu micunada yanujta imashina rrurrishcada tapunguimun? Ari, paidami tapunguimun.
Shinalladimi familia ucubi feliz causasha nishaga, familiada rrurrijtami tapuna ganchi. Paiga Jehová Diosmi gan.
-
Diosga ñucunchimunda preocuparinmi. Bibliabi Taita Dios nishcagunada cazunaga allimi, “paiga ñucunchimundami preocuparin” nin (1 Pedro 5:6, 7). Jehová Diosga ñucunchiguna feliz causallunmi munan, chaimundami paibu consejogunaga alli gan (Proverbios 3:5, 6; Isaías 48:17, 18).
CAIDA YACHANA MUNANGUILLU
¿Imashinadi alli cusa, alli huarmi o alli taitamama tucui pudinchi?
Respuestadaga Bibliabimi EFESIOS 5:1, 2 y COLOSENSES 3:18-21 bi taringui.
Tal vez caida rricunada munanguillari
ÑUCUNCHIMUNDA YACHAI
¿Imamundadi Bibliada estudiana ganchi?
Bibliaga mundo enterobimi gentegunabu tapuigunamunda ña respuestada cushca. ¿Quiquinbish yachasha ninguillu?
ÑUCUNCHIMUNDA YACHAI
Visitallun mañai
Can rrurrashca tapuigunada Biblia contestashcada rricui o testigo de Jehovagunamunda ashtaun yachai.
