¿Imaina ámoj pachata ckaanqui?
¿Creenqui ima mundu...
-
... quiquin séguej ʼrin?
-
... astaan mana alli séguej ʼrin?
-
... allichácoj ʼrin?
BIBLIA NISCKANTA
«Tata Yaya [...] túcuy huecke ñahuisnincunamanta chaquipuconcka, y huáñuy na mana tiancka, ni tiancka astaan llaquicuyta ni huáckay ni nánay. Imastisckas huasamanta chincacorancu» (Apocalipsis 21:3, 4, Traducción del Nuevo Mundo, 2019).
CAYCKA NOCKÁYSHPAJ IMA NIYTA MUNAN
Ashca llámcay cusicúypaj apisúysh (Isaías 65:21-23).
Ni úsuy ni ónckoy tíaj ’rin (Isaías 25:8; 33:24).
Unáypaj yanasusniyshuan y aillusniyshuan cusiscka causasúysh (Salmo 37:11, 29).
¿BIBLIA NISCKANTA CREÉYPAJ, RASONES TÍAN?
Ari, al menus íshcay:
-
Tata Yaya cá promesa cumplíypaj, átiy apin. Bibliapi, Tata Yayalla «Túcuy Atiyníoj» huajyascka can, atiynin mana puchucayníoj can (Apocalipsis 15:3). Chayraycu pay ancha capas can cumplíypaj promesanta ʼruayta munduta suj ancha súmaj lugar cananta. Imaina Biblia nin «Tata Yaya túcuy atin» (Mateo 19:26).
-
Tata Yaya cá promesa cumpliyta desian. Por ejemplu, persunasmanta ima huañorancu, Biblia nin Jehová desian voliachicuyta causayman (Job 14:14, 15).
Bibliapas nin, ima Tata Yayáp Huaan, Jesús, onckosckasta ampera. ¿Imajchus pay ʼruara? Pay chayta munara (Marcos 1:40, 41). ʼRuanasnin, yanapáypaj picunata yanapát precisancu, quiquin Tatanpa munaynin carancu (Juan 5:19).
Chayraycu segurus tiayta atíysh, ima Jehová quiquin Jesús, suj ancha súmaj ámoj pachata apinayshta munancu (Salmo 72:12-14; 145:16; 2 Pedro 3:9).
TAPUNÁCUY
¿Imaina Tata Yaya cay mundumanta súmaj lugarta ʼruancka?
Biblia contestasckanta tarinqui MATEOPI 6:9, 10 y DANIELPI 2:44.
Caytapas gustasuyta atinman
ESSENTIAL BIBLE TEACHINGS
¿Imát can Tata Yáyap Reinun?
Predicas puritin Ashpapi, Jesús ‘rimara Tata Yáyap Reinunmanta astaan sujcuna imastismanta. Unaymantapacha payta seguejcuna oraciunpi máñaj carancu amunánpaj chá Reinu.
NOCKAYCUMANTA
Mañáypaj visitasuchun
’Rímay suj tapunamanta Bibliamanta o astaan apréndey Jehóvap Testigusninmanta.
