Ckámpaj Biblia, ¿Imát can?
¿Ninquiman ima can...
-
... suj libru ckarismanta?
-
... suj libru cuentusmanta?
-
... Tata Yáyap ʼRimaynin?
BIBLIA NISCKANTA
«Túcuy Escritura Tata Yayamanta inspirascka can» (2 Timoteo 3:16, Traducción del Nuevo Mundo, 2019).
CAYCKA NOCKÁYSHPAJ IMA NIYTA MUNAN
Biblia contestaáysh tapunas astaan importantes causaymanta (Proverbios 2:1-5).
Alli consejus tárej ʼríysh allít causanáyshpaj (Salmo 119:105).
Súmaj suyana ámoj pachápaj ápej ʼríysh (Romanos 15:4).
¿BIBLIA NISCKANTA CREÉYPAJ, RASONES TÍAN?
Ari, al menus quimsa:
-
Ni áicap contradecicun. 40 ckaris Bibliát escriberancu, y chayta 1.600 huataspi ʼruarancu. Yacka túcuy paycuna ni áicap ʼrejsinacorancu, pero Biblia mana contradecicun y apin sujlla tema.
-
Escribejcuna honestos carancu. Ashcas escribejcuna ni áicap nincu llajtasnincu vencesckas captincuna. Pero escribejcuna Bibliamanta mana pácaj carancu mana alli ʼruasckancunata paycuna y llajtan (2 Crónicas 36:15, 16; Salmo 51:1-4).
-
Túcuy profecías cumplicuncu. Biblia nera yacka 200 huatas manáraj cumplicuptin, ima ñaupa ciudar Babiloniamanta amchiyascka canman (Isaías 13:17-22). Y manalla nera imaina cá llajtan úrmaj ʼrera, manapé conquistadorpa sutintapas (Isaías 45:1-3).
Astaanpas, sujcuna profecías Bibliamanta tucuypi cumplicorancu hasta utulitas imastispipas. ¿Manachu chay Tata Yáyap ʼRimayninmanta suyacunman? (2 Pedro 1:21).
TAPUNÁCUY
¿Imaina Tata Yáyap ʼRimaynin yanapaayta atin?
Biblia contestasckanta tarinqui ISAIASPI 48:17, 18 y 2 TIMOTEOPI 3:16, 17.
Caytapas gustasuyta atinman
NOCKAYCUMANTA
¿Imajchus Bibliát estudiayta?
Biblia túcuy ashpapi ancha ashca ashca persunasta yanapashcan, astaan importantes tapunasnincuta causaymanta respuestasta tariyta yanapashcan. Ckam, ¿suj paycunamanta cayta munanquichu?
NOCKAYCUMANTA
Mañáypaj visitasuchun
’Rímay suj tapunamanta Bibliamanta o astaan apréndey Jehóvap Testigusninmanta.
