Tata Yáyap Reinun, ¿ima can?
¿Ninquiman ima can...
-
... imallapas ima sonckoyshpi apáysh?
-
... pensasckáysh?
-
... suj gobiernu Tata Yayamanta?
BIBLIA NISCKANTA
«Tata Yaya cielumanta, suj reinu chúraj ʼrin, ima ni aicappas amchiyascka caj ʼrin» (Daniel 2:44, La Biblia. Traducción del Nuevo Mundo).
«Suj huaa ckoaráysh, y gobiernun maquisninpi tíaj ʼrin» (Isaías 9:6).
CAYCKA NOCKÁYSHPAJ IMA NIYTA MUNAN
-
Cá justu gobiernu yanapaayshta atin sapa suj nockayshmanta (Isaías 48:17, 18).
-
Mana unas, suj mósoj mundupi cáusaj ʼríysh mana onckos y ancha cusisckas (Apocalipsis 21:3, 4).
¿BIBLIA NISCKANTA CREÉYPAJ, RASONES TÍAN?
Ari, al menus íshcay:
-
Jishu ckaachera, Tata Yáyap Reinun ʼrúaj ʼrisckanta. Pay discipulusninta yachachera oraciunpi mañayta, Tata Yáyap Reinun amuchun y Tata Yáyap voluntarnin Ashpapi ʼruacuchun (Mateo 6:9, 10). Ckaacherapas imaina chá mañapusckancu ʼruácoj ʼrin.
Áicap Ashpapi tiara, Jishu yarckalusta micuchera, onckosckasta ampera y picunasta huañusckas tiarancu causachicora (Mateo 15:29-38; Juan 11:38-44). Imaina canman, Rey Tata Yáyap Reinunmanta, atera ckaachiyta chá ancha súmaj imastis ima chá Reinu discipulusninraycu ʼrúaj ʼrin (Apocalipsis 11:15).
-
Túcuy ima cá mundupi crusashcan ckaachin ima Tata Yáyap Reinun mana unas amoncka. Jishu nera, manáraj Tata Yáyap Reinun pas Ashpaman apamunan, túcuy Ashpapi guerras, yárckay tíaj ʼrin y Ashpa chucucunman (Mateo 24:3, 7).
Cunan punchau chayta ckaashcaycu. Chayraycu, segurus tiayta atíysh ima Tata Yáyap Reinun mana unas tucuyta allíchaj ʼrin.
TAPUNÁCUY
Tata Yáyap Reinun Ashpát gobernaptin, ¿imaina cáusay caj ʼrin?
Biblia contestasckanta tarinqui SALMOPI 37:29 e ISAIASPI 65:21-23.
Caytapas gustasuyta atinman
ESSENTIAL BIBLE TEACHINGS
¿Imát can Tata Yáyap Reinun?
Predicas puritin Ashpapi, Jesús ‘rimara Tata Yáyap Reinunmanta astaan sujcuna imastismanta. Unaymantapacha payta seguejcuna oraciunpi máñaj carancu amunánpaj chá Reinu.
NOCKAYCUMANTA
¿Imajchus Bibliát estudiayta?
Biblia túcuy ashpapi ancha ashca ashca persunasta yanapashcan, astaan importantes tapunasnincuta causaymanta respuestasta tariyta yanapashcan. Ckam, ¿suj paycunamanta cayta munanquichu?
