“Diospa llapallan palabranqa atiyninwan qillqachisqam kachkan”, nispa (2 Timoteo 3:16, Musuq allpa pachapi kawsaqkunapaq biblia).

Bibliam lliw tapukusqaykikunamanta yachachisunki (Proverbios 2:1-5).

Allin kawsakunaykipaqmi yanapasunki (Salmos 119:105).

Hamuq tiempopim wiñaypaq kawsakunki (Romanos 15:4).

Manam, qawasun imanasqa:

• Tupasqanmi admirakuypaq. Bibliataqa yaqa 40 runakunam qillqarqaku yaqa 1.600 watapi. Paykunaqa manam llapankuchu riqsinakurqaku, chaywanpas qillqasqankuqa tupanmi.

• Imam kaqtam willakun. Imapas pasasqanmanta librokunata qillqaqkunaqa pakankum llaqtamasinkupa mana allin ruwasqankutaqa. Bibliata qillqaqkunam ichaqa pantasqankutapas chaynataq llaqtamasinkupa mana allin ruwasqankutapas qillqarqaku (2 Cronicas 36:15, 16; Salmos 51:1-4).

• Bibliapi willakuykunaqa cumplikunpunim. Yaqa 200 wata ñawpaqtaraqmi bibliaqa willakurqaña ñawpaq tiempopi Babilonia nacion chinkachisqa kananmanta (Isaias 13:17-22). Manam imayna chinkachisqa kanallanmantachu willakurqaqa, nirqataqmi pim chinkachiqnin kananmantapas (Isaias 45:1-3).

  Bibliapi achka willakuykunam cumplikurqa imam nisqanman hina. ¿Manachu chayna kanan Diospa palabranqa? (2 Pedro 1:21).