¿Atinmankuchu wañuqkuna kawsarimuyta?
¿Ima niwaqtaq?
-
¿“Arí” niwaqchu?
-
¿“Manam” niwaqchu?
-
¿Icha “imaynaya” niwaqchu?
BIBLIAM NIN:
‘Runakunam kawsarimunqaku’, nispa (Hechos 24:15, Musuq allpa pachapi kawsaqkunapaq biblia).
¿IMAPIM KAY NISQAN YANAPAWACHWAN?
Ayllunchik wañukuptinmi hawkayaykachiwanchik (2 Corintios 1:3, 4).
Manañam wañuyta manchakunchikchu (Hebreos 2:15).
Ayllunchikkuna kawsarimunanmantam seguropuni kanchik (Juan 5:28, 29).
¿ISKAYRAYANACHU BIBLIAPA NISQANMANTA?
Manam, qawasun imanasqa:
-
Diosmi kawsakuy quwaqninchikqa. Bibliam nin Jehova Dioslla ‘tukuy imata kawsachiq kasqanta’ (Salmos 36:9; Hechos 17:24, 25). Tukuy imata kawsachiq kachkaspanqa, ¿manachu wañusqakunata kawsarichiyta atinman?
-
Diosmi ñawpa tiempopipas runakunata kawsarichirqa. Bibliam willakun pusaq runakunata kay pachapi kawsarichisqanmanta. Wakinkuqa chayllaraqmi wañukurqaku, hukninmi ichaqa tawa punchaw yupayña wañusqa kachkarqa (Juan 11:39-44).
-
Diosqa hinallam kawsarichiytaqa munachkan. Jehova Diosqa chiqnispanmi enemigonta hina wañuytaqa qawan (1 Corintios 15:26). Payqa munachkanmi wañuy chinkachiytaqa, chaytam ruwanqa wañuqkunata kawsarichimuspan. Yuyayninpi kaqkunatam kay allpapi kawsakunankupaq kawsarichimunqa (Job 14:14, 15).
KAYPI YUYAYMANAY:
¿Imanasqam yuyaqyanchik hinaspa wañunchik?
Chaymantam yachawaq GENESIS 3:17-19 hinaspa ROMANOS 5:12 nisqanpi.
Kaykunatapas leeykuy
BIBLIAPA ANCHA ALLIN YACHACHIKUYNINKUNA
¿Imaynataq wañusqakunaqa kachkanku?
Bibliam willawanchik qipa punchawkunapi wañuqkuna Lazaro hina kawsarimunankumanta.
BIBLIAMANTA TAPUKUYKUNA
¿Wañusqakuna kawsarimunmankuchu?
Munachkankichá pikuna kawsarimunankumanta yachaykuyta.
ÑUQAYKUMANTA
¿Imanasqataq Bibliata estudiana?
Wara-waranqantin runakunam bibliata estudiasqankurayku yacharunku yachay munasqanku tapukuyninkunamanta, ¿qampas yachayta munawaqchu?
BIBLIAMANTA YACHACHIKUYKUNA
Yachachisunaykipaq mañakuy
Mana qullqillapaq biblia estudianaykipaq mañakuy.
