Allin llamkakuq kaspaykiqa manam manchakunkichu ima llamkaypiña llamkaytapas, hinaspapas chay llamkasqaykiwanmi hukkunata yanapayta atinki.

Kay punchawkunaqa achka runakunam manaña llamkayta munankuñachu, chaymi allin llamkakuq kaynikiqa anchata yanapasunki (Eclesiastes 3:13).

Reyonmi nin: “Ima llamkaypipas allinta llamkaspaykiqa kusisqam tarikunki, hinaspapas allin llamkakuq kasqaykita qawaspankum hukkunapas alabaykusunki”, nispa.

BIBLIAPIM NIN: “Imapipas llamkaq runaqa allin kaqkunatam tarin”, nispa (Proverbios 14:23).

Qatiqninpi yachachikuykunam yanapasunki allin llamkakuq kanaykipaq.

Ima ruwasqaykitapas allintam ruwanayki. Chaypaqqa yanapasunkim imapas ruwasqaykipi umayuq kayniki. Kallpanchakuwaqtaqmi imatapas allinta ruwaspa utqayman ruwanaykipaq, chaynata ruwaspaykiqa anchatam kusikunki.

BIBLIAPIM NIN: “Pipas ruwananta allinta llamkakuqqa reykunatam servinqa, manam huk runataqa servinqachu”, nispa (Proverbios 22:29).

Hukkunapa allinnintam maskanayki. Wasipiqa achka ruwaykunam kan chaymi ancha allin kanman yanapakuyniki, ima ruwaypipas yanapakuspaykiqa tayta-mamaykitam kusichinki.

BIBLIAPIM NIN: “Imapas quqmi aswan kusisqaqa imapas chaskiqmantaqa”, nispa (Hechos 20:35).

Amayá imatapas atisqallaykiman hinaqa ruwaychu. Chaypaqqa manam pipas nisuptillaykichu imatapas ruwanayki, aswanqa kikikimanta ruwanaykipaqmi kallpanchakunayki. Anchata llamkanayki kaptinpas, chayqa allinnikipaqmi kanqa (Mateo 5:41).

BIBLIAPIM NIN: “Chaynapi mana hikutasqa hina mañakusqayta ruwanaykipaq, aswanqa sunquykimanta ruwanaykipaq”, nispa (Filemon 14).

Amayá llamkayllamanqa qukuruychu. Allin llamkaq kaspapas manam llamkayllamanñaqa qukurunaykichu aswanqa tiempochakunaykim samarinaykipaq.

BIBLIAPIM NIN: “Iskay hora llamkanamantaqa huk horata samaykuymi aswan allinqa, llumpayta llamkayqa yanqapaqmi”, nispa (Eclesiastes 4:6).