¿Allintachu Diosmanta yachanki?
Runakunam ninku tayta Diospi iñisqankumanta, ichaqa manam yachankuchu pay imayna kasqanmantaqa. Chaymi Diosmanta wakinqa ninku mana llakipayaspan runakunata huchanmanta castigasqanta. Wakinñataqmi ninku tayta Diosqa kuyakuqllaña kasqanrayku ima huchataña ruwaptinkupas pampachasqanmanta. Hukkunañataqmi ninku tayta Diosqa rumi sunqu kasqanrayku runakunata qunqarusqanmanta. Chaynakunata rimasqankuwanmi tayta Dios imayna kasqanmanta yachayqa sasa kanman.
¿Atichwanchu tayta Dios imayna kasqanmanta yachayta? Atichwanmi. Paymanta allinta yachaspaqa kusisqam kawsakusun (Hechos 17:26-28). Tukuy sunqunchikwan Diosman asuykuptinchikqa kuyakuywanmi yanapawasun (Santiago 4:8). Tayta Diosmanta yachasqanchikqa wiñay kawsayta haypananchikpaqmi yanapawasun (Juan 17:3).
¿Imaynatam paymanta yachachwan? Chaypaqqa sutintam yachananchik, yachananchiktaqmi imayna sunquyuq kasqantapas. Kaypi yuyaymanasun, piwanpas amistadta ruwaspaqa puntatam sutinta yachananchik, yachananchiktaqmi imayna runa kasqantapas, imakuna ruway yachasqanta chaynataq imakuna munasqantapas. Chaykunata yachaspaqa allin amistadmi kasun.
Qatiqnin tapukuykunam yanapawasun tayta Diosmanta yachananchikpaq:
Kay tapukuykunamanta biblia ima nisqanta yachananchikpaqmi kay qillqapi yachachikuykuna yanapawasun. Qatiqnin yachachikuypim yachasunchik imaynataq tayta Diosqa, chaynataq imaynatam yanapawanchikman paymanta yachayninchikqa.
