Millonnintin runakunam hanaq pachaman riyta munanku. Jesusmi apostolninkunaman nirqa chaypi kanankupaq. Manaraq wañuchkaspam prometerqa Taytanwan tiyanankupaq hanaq pachapi huk lugarta preparananpaq. (Leey Juan 14:2.)

¿Imapaqtaq wakinqa kawsarinqaku hanaq pachapi kanankupaq? ¿Imatataq chaypiqa ruwanqaku? Jesusmi apostolninkunaman nirqa reykuna kaspanku kay Pachata kamachimunankupaq kasqanmanta. (Leey Lucas 22:28-30; Apocalipsis 5:10.)

Huk naciontaqa pisi runakunallam gobernanku. Chaynallataqmi kay pachatapas Jesuspa akllasqan hanaq pachaman riq pisi runakunalla gobernamunqaku (Lucas 12:32). Bibliam willawanchik hayka runakunalla kasqankumanta. (Leey Apocalipsis 14:1.)

Paykunalla hanaq pachaman riptinkupas hamuq tiempopiqa manam paykunallachu Diospa favorecesqanqa kanqaku. Jesus gobernaptin kasukuqkunaqa kay Pachapim suma-sumaq huertapi wiñaypaq kawsanqaku (Juan 3:16). Wakinqa Diospa piñakuynin punchawpim wañuymanta librasqa kanqaku wakinñataqmi kawsarimunqaku. (Leey Salmo 37:29; Juan 5:28, 29.)