“Lliu kay pachan ichaqa Satanaspa makinpi kashan”, nispa (1 Juan 5:19, Mosoq Pacha Biblia).

“Diospa Churinqa Saqraq imachus ruwasqankunata ch’usaqman tukuchinanpaq jamurqan”, nispa (1 Juan 3:8).

Imaraykuchus kay pachapi sasachakuykuna kan chaytan entiendesun (Apocalipsis 12:12).

Kay pacha munayman tukupunantan tukuy sonqo suyakusun (1 Juan 2:17).

Arí confiasunmanmi, ichaqa ¿imaraykun confiananchis?

• Saqraq kamachikuyninqa tukupunan patapiñan kashan. Jehová Diosmi tukuchipunqa Saqraq kamachikuyninta. Bibliaq nisqan jina, paymi “atiyniyoq Saqrata ch’usaqyachinqa”, kay pachapi tukuy ima ruwasqantan chinkachipunqa (Hebreos 2:14).

• Jesustan Dios ajllarqan kamachikuq kananpaq. Jesuspa kamachikuyninqa manan Saqraq kamachikuynin jinachu. Diosmi Jesuspa kamachikuyninmanta nin: “Wajchakunatan, mana piniyoqkunatan khuyapayanqa [...]. Pisichasqa kasqankumantan, sarunchasqa kasqankumantan orqonqa”, nispa (Salmos 72:13, 14).

• Biblian nin: “Diosqa [manan] jayk’aqpas llullakunmanchu”, nispa (Hebreos 6:18). Jehová Diosqa junt’anqapunin imachus prometesqantaqa (Isaías 55:10, 11). Paymi nirqan: “Kay pacha kamachiqpas qarqosqan kanqa” nispa (Juan 12:31).