1 YACHACHIKUY
Huk pakasqa yachachikuy
¿Hayk’aqllapas willarqasunkikuchu hukkunaq mana yachasqan willakuyta?... * Biblian riman huk pakasqa yachachikuymanta, chay yachachikuyqa Diospan. Runakunaqa askha watakunan chaymanta mana yacharqankuchu, chayraykun nikun “pakasqa yachachikuy” nispa. Angelkunapas munarqankun chaymanta astawan yachayta. ¿Munawaqchu qanpas chaymanta yachayta?...
¿Imamantan angelkunapas astawan yachayta munarqanku?
Ñawpaq tiempopin Diosqa ñawpaq warmi-qharita ruwarqan. ¿Yachankichu sutinkuta?... Qhariq sutinmi karqan Adán, warmiq sutintaq Eva. Diosmi paykunaman Edén huertata qorqan tiyanankupaq. Diosmi munarqan paykunapas wawankupas kay pachata Edén huertata hina paraisoman tukuchinankuta, chaypi wiñaypaq kawsanankutapas. Ichaqa, ¿imatan ruwarqanku Adanpas Evapas?
Adanwan Evawanqa manan Diosta kasukurqankuchu, chayraykun mana paraisopichu kunan tiyashanchis. Ichaqa Diosqa prometerqanmi kay pachata paraisoman tukuchinanpaq, chaypi kusisqa wiñaypaq kawsananchistapas. ¿Imaynatan chayta ruwanqa? Runakunaqa askha watan chayta mana yacharqankuchu.
Ichaqa Jesusmi kay pachaman hamuspa runakunata astawan chaymanta willarqan. Paymi yachachirqan chay pakasqa yachachikuyqa Diospa gobiernon kasqanta. Yachachillarqantaqmi Diospa gobiernon hamunanpaq mañakuytapas. Chay gobiernon kay pachata paraisoman tukuchinqa.
¿Munawaqchu chay paraisopi tiyayta?... Yachasqanchis hina, Jehová Diosta kasukuqkunallan paraisopi tiyanqaku. Biblian willawanchis Diosta kasukuq runakunamanta. ¿Munawaqchu paykunamanta astawan yachayta?... Kay folletopin paykunamanta yachasun, paykuna hina kanapaq imata ruwananchismantapas.
BIBLIAYKIPI LEEY
^ párr. 3 Kay willakuykunapin wakin tapuykunaq qatiqninpi rikunki qati-qati puntochakunata (...). Chaypiqa allinmi kanman wawaykiq kutichisqanta uyarinaykipaq suyaykuy.
