¿Ima ninmi Biblia?
¿Sutiyoqchu Dios?
WAKIN RUNAKUNAN NINKU manan sutiyoqchu nispa. Wakintaq sutinqa Dios otaq Señor ninku. Jujkunataq Diosqa askha sutiyoqmi nispa. ¿Qanri ima ninkitaq?
BIBLIAN NIN
“Qanllapuni [Jehová] Diosqa kasqaykita yachachunku, qanllapuni teqsimuyuntinpi Ancha Jatun Dios kasqaykita reqsichunku” (Salmo 83:18, qhawallaytaq “Sut’inchasqa simikuna” nisqapi “Dios” nisqata).
¿IMATAWANMI BIBLIA NIN?
Diosqa askha titulokunayoqña chaypas, pay kikinmi juj sutita churakuran (Éxodo 6:2, 3; uranpi willakuyta leey).
Diostaqa atisunmanmi reqsiyta, payqa munanmi reqsinanchista (Hechos 17:27).
Diosta reqsinapaqqa sutintaraqmi ñaupaqta yachananchis (Santiago 4:8).
¿Juchachu kanman Diospa sutinta rimay?
¿IMA NIWAQTAQ?
Arí
Manan
Sapankamantañan
BIBLIAN NIN
“Aman sutiyta mana allinpaq oqarinkichu” (Éxodo 20:7). Mana respetowan Diospa sutinta utilizayqa manan allinchu (Jeremías 29:9).
¿IMATAWANMI BIBLIA NIN?
Jesusqa yacharanmi Diospa sutinta, utilizarantaqmi kanpas (Mateo 6:9).
Diosqa invitawanchismi oracionta ruwaspa sutinmanta wajakunanchispaq (Romanos 10:13).
Diospa enemigonkunaqa runakuna sutinta qonqapunankutan munanku (Jeremías 23:27).