Partomanda parlashpaca shuj libropica ninmi, “tarro lecheca mamapa lechehuanga nunca na igualanllu” ninmi. Pero ¿imamandata mamapa lecheca llullu huahuagupaca alipacha can? Mamapa cuerpopachami llullu huahuagu ima vitaminacunata minishtijta ricushpa cambianata yachan. Ashtahuangarin mamapa lecheca llullu huahua según minishtishcapimi cambian.

 Caipi yuyapai: Cada chuchushcatami mamapa lecheca cambianata yachan. Callaripica, mamapa lecheca ashtaca proteinacunata, vitaminacunata, mineralcunata y yacutapashmi charin. Ña chuchui tucuchigrijujpica, mamapa lecheca asha grasosomi tucunata yachan. Chaimi llullu huahuaguca vijsa pactan. Shinallata llullu huahuagu según mashna quillacunata charishcapi, según tiempopipashmi mamapa lecheca cambianata yachan.

 Mamapa lecheca punllapipash según horaspimi cambianata yachan. Tutaca lecheca huaquin hormonacunatami ashtahuan charin. Por ejemplo, melatonina nishca hormonatami charin. Chaimi huahuaguca puñuita ushan. Cutin punllapica shuj hormonacunatami charin. Chaimi huahuaguca rijcharia caita ushan. Mamapa lechepi chai cambiocuna tiaimandami llullu huahuaguca huaquin horascunataca puñun y huaquin horascunataca rijcharia can.

 Huahuaguta ungushca primer punllacunapica, mamapa lecheca quillullami canata yachan. Chai lecheca calostromi can. Calostro lecheca ufianallami can y ashtaca vitaminacunatami charin. Ashalaguta ufiashpallatami huahuaguca ashtacata beneficiarita ushan. Por ejemplo, calostro lecheca huahuaguta ama infección japichunmi ninanda ayudan. Shinallata llullu huahuagu ishpai ushachun, y paipa estómago vijsagu limpio, ali cachunmi ayudan.

 Mamacunaca gemelo huahuacunata charishpapash lecheca na pactangachu nishpaca na pinarijunllu. Porque según llullu huahuagucuna mashnata minishtishcapimi lecheca llujshinata yachan.

 ¿Quiquinga imatata yuyapangui? Mamapa leche y chai lechepi vitaminacunaca ¿yangamandacha shina can? O ¿pipash rurashca caimandacha shina alipacha can?