Bibliapica ¿imatata yachachin?

Peligroso pugllaicunapi participanaca ¿alichu can?

“CUNANBICA ASHTAHUAN ASHTAHUAN GENTECUNAMI PAICUNAPA CAUSAITA PELIGROPI CHURASHPA AVIONMANDA SHUJ PARACAIDASTA UTILIZASHPA SALTAN. SHINALLATA SHUJ CAVIATALLA UTILIZASHPAMI SHUJ JATUN JACACUNATA URIAJUN. SHINALLATA SHUJ SHUJ PELIGROSO PUGLLAICUNATAMI RURAN” (THE WILLOW GLEN RESIDENT NISHCA PERIODICOMANDA JAPISHCAMI CAN).

CAI periodicopi ricuchishcashnaca mundo enteropimi gentecunaca ashtahuan ashtahuan peligroso deportecunapica participan. Cashna peligroso deportecuna ashtahuan ashtahuan mirashpa catijpimi, cai mundopi gentecunaca cashna peligroso deportecunata ashtahuan alicachishpa catinajushcata cuenta japipanchi. Gentecunaca na yapa peligroso deportecunatapashmi, peligroso deportecunaman tigrachin. Por ejemplo bicicletata manejana, patines nishcacunata manejana na yapa peligroso cashpapash, pero chaicunahuanllatami ashtahuan jatun patacunata o alto altocunata rishpa * peligroso deporteman tigrachin. Time nishca revistapica: “Ashtaca gentecunaca peligroso pugllaicunata ushashpapacha ali cangapaj munaimanda, o ali sintiringapaj munaimandallami paicunapa causaitapash peligropi churashpa cai peligroso deportecunataca ashtahuan ashtahuan rurashpa catin” ninmi.

Peligroso pugllaicunata gentecuna ashtahuan pugllaimandami imapash pasajpi llaqui apashca. Huaquinbicarin na peligroso pugllaicunapipashmi shina pasashca. Estados Unidos llactapica chaishuj huatacunahuan ricushpaca 1997​pimi gentecunaca ashtahuan patinetacunapi pugllashpa, o shuj deportecuna na yapa peligroso cajpipash, yapata exagerashpa pugllaimandami accidentecunata charishpa por emergencia hospitalcunaman rina tucushca ninmi. Shuj deportecunapicarin chai peligroso deportecunata ruraimandaca huañuipash ashtahuanmi mirashpa catishca. Chai deporteta rurajcunaca shina llaqui apanalla cashcataca alimi yachan. Nievecunapi patinashpa deporteta ruraj shuj huarmica “chaicunata rurashpaca huañunalla cashcatapash yachanimi” ninmi. Cutin shujca “deportecunapi na llaqui apashpaca na ali esforzarijunguichu” ninmi.

Caicunata ricushca jipaca, Jesusta catijcunaca ¿peligroso deportecunataca ruranallachu canchi? Peligroso deportecunapi participanalla cashcata o na participana cashcata ricuchunga Bibliapa ¿ima consejocunata ayudan? Caita ricungapaca Bibliapi Taita Dios causaimanda imata nijta ricupashunchi.

Gentecunapa causaitaca Taita Diosca ¿imashinata ricun?

Bibliapica Jehová Diosmi “causaita cuj” can ninmi (Salmo 36:9). Taita Dios gentecunata rurashpapash ima minishtirishcaguta charishpa cushilla causachunbashmi carashca (Salmo 139:14; Hechos 14:​16, 17; 17:​24-​28). Jehová Diosca pai carashca causaiguta ñucanchi cushijushpa cuidachunmi munan. Chaitaca israelitacunaman Jehová Dios huaquin leycunata cushcata ricushpami ali intindipanchi.

Moisesman cushca Leypica imatapash rurajushpaca, pitapash ama llaquichingapami cuidadota charina can nishpami mandarca. Shinapash chai leyta na cazushca cajpi y pipash huañujpica, chai leyta na cazujpami culpa carca. Shuj huasita rurajushpaca huasi dueñoca terraza filotaca shuj uchilla muruguhuanmi muyuna carca. Shinapash huasi dueño terraza filota na uchilla muruhuan muyushca cajpica, pipash chai terrazamanda urmashpa huañujpica huasi dueñopami culpa carca (Deuteronomio 22:8). Shuj huagra na yashcapi pitapash tupajpica, dueñoca na culpata charircachu. Pero chai huagra tupanata yachajta dueño ali yachashpata na cuidajpi pitapash tupashpa huañuchijpica, chai huagrapa dueño culpata charimandami paipash huañuna carca (Éxodo 21:​28, 29). Jehová Diospaca gentecunapa causaica valishcami can. Chaimandami pai mandashca Leypica gentecunapa causaita cuidangapaj munashcata ricuchin.

Jehová Diosta ali sirvijcunaca Jehovapa mandashcacunaca tucuipa ayudajtami ali intindirca. Bibliapica Davidca Belén pueblopi tiajuj pozomanda yacuta ufiangapaj munajushcatami ricuchin. Shinapash chai llactataca filisteocunami mandashpa causarca. Chai yacuta David ufiangapaj munajta cuenta japishpami, paipa quimsa soldadocunaca filisteo soldadocuna tianajuj chaupita yalishpa, Belén pueblopa pozo yacumanda japishpami Davidmanga aparca. Shinapash ¿Davidca chai apashca yacuta chasquircachu? Davidca chai yacutaca na chasquishpami alpapi shitashpa cashna nirca: “Cai yacuta ñuca ufiachunga, ñuca Taita Diosca ama saquihuachun. Cai runacunaca, paicuna huañunatapash na manllashpami, cai yacutaca apamunajurca. Cai yacuta ufiashpaca paicunapaj yahuarta ufianshna ufiasha nishpami na ufiangapaj munarca” (1 Crónicas 11:​17-19). Davidca pai munashcata japingapajlla shujcunapa causaita peligropi churangapaca na munarcachu.

Diabloca Jesustaca templo altoman pushashpami shitarichun tentarca. Shitarijpi ama imapash pasachunga angelcunami cuidanga nishpami Jesustaca tentangapaj munarca. Shinapash Jesusca Satanastaca cashnami tigrachirca: “Canda Mandaj Taita Diostaca, ama can munashcata rurachun mandanguichu nijunmi nircami” (Mateo 4:​5-7). Shinaca Davidpash, Jesuspashmi ñucanchi causaita yangamanda peligropi churajpica Jehová Diosca nali ricun cashcatami seguro carca.

Cai ejemplocunata ricushpami talvez cashna pensarinchi: “Cunan tiempocunapica gentecunaca na peligroso pugllaicunatapashmi yapata exageraimanda peligroso pugllaicunaman tigrachin. Shinaca ¿imashinata yachai ushanchi shuj pugllai peligroso, o na peligroso cashcata?”.

¿Imamandata ñucanchi causaitaca na peligropi churana capanchi?

Imapash deporteta nara rurashpallatami cashna pensarina capanchi: “Cai deporteta pugllashpaca ¿gentecunaca llaqui apashcachu? ¿Cai deporteta pugllanataca yachanichu? Cai deporteta pugllangapaca ¿cascota o shuj minishtirishca cosascunataca charinichu? Cai deporteta pugllajujpi shuj accidente tiajpica ¿urmaitallachu urmasha o jatun llaquita apaita ushanichu?”.

Divertiringapaj nishpalla peligroso pugllaicunata pugllashpa paipa causaita peligropi churajpica, Jehová Diospa amigo caitaca na ushangachu. Shinallata congregacionbipash privilegiocunataca na chasqui ushangachu (1 Timoteo 3:​2, 8-​10; 4:​12; Tito 2:​6-8). Imagutapash rurajushpaca Jehová Diospa ñaupapi causai valishcapacha cashcataca, Jehová Diosta sirvijcunaca yariami causana capanchi.

[Nota]