Pundacunaca taitamamacunami huahuacunamanga primero asha asha según edadta ricushpa y imata minishtijujta ricushpa relaciones sexualesmandaca parlaita ushan carian.

Pero cunanbica ñana shina canllu. The Lolita Effect libropica ninmi: “Huahuacunaca ashtahuan uchillagu cashpallatami relaciones sexualesmanda parlaj mensajecunata ricun y uyan. Televisiongunapipashmi dibujo animadocunapica relaciones sexualesmanda programacunata ashtahuan ricuchin” nin. Chaicunata ricuna y uyanaca ¿imashinata huahuacunataca afectan?

Tucui ladocunapimi relaciones sexualesmandaca parlan. Deborah Roffmanga,Talk to Me First libropica ninmi: “Peliculacunapi, parlocunapi, librocunapi, canciongunapi, televisión programacunapi, propagandacunapi, mensajecunapi, pugllaicunapi, cartelcunapi, telefonocunapi y computadoracunapica solo relaciones sexualesmandallami parlan y ricuchin” nin. Shinallata ninmi: “Chaimi na cuenta japishpallata ashtaca jovenguna, jovenyanajujcuna y hasta uchilla huahuacunapash relaciones sexualesta charinami ashtahuan importante can yan” nin.

Propagandacunapashmi culpata charin. Propagandacunapi y negociocunapipash ajustado ajustado pinganai ropacunatami huahuacunamanbash jatun. Chaimi huahuacunapash, uchillagumandapacha juyaillagu ricurinapilla pensarishpa viñan. So Sexy So Soon libropica ninmi: “Negociantecunaca, escuelapi compañerocuna aceptachun huahuacuna munashcataca alimi yachan. Chaimi chashna huahuacunaman jatungapaj aprovecharin” nin. Shinallata ninmi: “Chai propagandacunata y productocunataca huahuacuna relaciones sexualesta charichunga na animanllu. Sino mushuj cosascunata randichunmi animan”.

Yachanallaca na suficientechu can. Por ejemplo, carro imashina funcionajta yachanaca na suficientechu can. Sino ali chofer canami ashtahuan mejor can. Shinallatami relaciones sexualesmanda yachanallaca na suficientechu can. Sino relaciones sexualesmanda imata yachajushcata ricushpa aliguta decidinami ashtahuan mejor can.

¿Imatata yachajupanchi? Cunanbimi huahuacunamanga ima ‘ali’ cajta y ima ‘nali’ cajta paicunallata ‘aliguta yuyashpa’ diferenciachun ayudana capanguichi (Hebreos 5:14).

Quiquinba churihuanga parlanami capangui. Aunque relaciones sexualesmanda parlangapaj pinganayachishpapash quiquinba huahuacunahuanga parlanami capangui. Shina rurashpami quiquinba responsabilidadtaca cumplijupangui (Proverbios 22:​6​ta liipangui).

Asha ashami parlana capangui. Shuj viajella largota parlajunapa randica, shuj shuj ratocunapi chai temamanda ashaguta parlangapami aprovechana capangui. Por ejemplo, carropi rijushpa o huasipi imagutapash rurajushpami chai temamanda parlangapaj aprovechana capangui. Quiquinba huahua imata pensajta yachangapaca “¿cashna propagandacunata gushtanguichu?” nishpa tapunapa randica “¿imashpashi paicunapa productocunata jatungapaca chashna propagandacunata utilizan?” nishpami tapuna cangui. Imata contestajta uyashca jipami “canga ¿imatata pensangui?” nishpa tapuita ushapangui (Deuteronomio 6:​6, 7​ta liipangui).

Huahuacunapa edadtami yaipi charina capangui. Nara escuelaman yaicushca huahuacunapashmi paicunapa partegucuna ima shuti cajta yachana can. Shinallata paicunata dañota rurangapaj munajcunamanda imashina cuidarinatapashmi yachana can. Huahuacuna ña viñajpica, huahuacuna tiachun ima pasajtami explicaita ushapanguichi. Y ña jovengu tucushpaca, chai temamandaca ña ashtahuan alimi yachana can.

Ali persona cachunmi yachachina capangui. Primeroca huahuamandapachami honrado, ali y respetuoso cachun yachachina capangui. Shina yachachijpimi, relaciones sexualesmanda parlajpica aliguman, respetohuan uyanga. Shinallata, chai temamanda quiquin imata pensashcatapash ninami capangui. Por ejemplo, nara cazarashpallata relaciones sexualesta charina nali cashcataca ninami capangui. Y imamanda nali cashcata y ima peligrocuna tiashcatapashmi nina capangui. Beyond the Big Talk libropica ninmi: “Relaciones sexualesta ama charichun taitamamacuna prohibijta yachashpami huahuacunaca relaciones sexualesta charinamandaca jarcarita ushanga”.

Ali ejemplotami ricuchina capangui. Huahuacunaman imata yachachishcataca quiquinrami pactachishpa causana capangui. Pensaripai: “Malcriado chistecunata pipash parlajpica ¿ñucapashchu asinata yachani? ¿Ñucapashchu ajustado ajustado ropacunata churajunata yachani? ¿Shujcunahuan coquetearinata gushtanichu?” nishpa. Chaicunata rurashpaca huahuacunaman imata yachachijushcaca na importante cashcatami ricuchijunguiman (Romanos 2:​21​ta liipangui).

Na exageradochu cana capangui. Relaciones sexualestaca cusahuarmicuna cushijuchunmi Taita Diosca shuj regalotashna carashca (Proverbios 5:18, 19). Cazarashpami chai regalota charitaca ushangui nishpami huahuamanga parlana capangui. Y shinami nara cazarashpallata relaciones sexualesta charimandaca na sufrishpa limpio concienciata charingui ninami capangui (1 Timoteo 1:​18, 19).