“Diosmanmi ya’apis chalapacú, jucpun juchayu mana juchayüpis wañücunapis śhalcamunancäman” (Hechos 24:15, Muśhü Limalicuy).

Cunsuylucta talishunmá cuyay ayllunchic wañuptin (2 Corintios 1:3, 4).

Manañaćhá wañuytápis manchaśhunchu (Hebreos 2:15).

Yaćhaśhünmi, wañüninchiccunawan enterun allpäćhu cawsämuptin tincunanchicta (Juan 5:28, 29).

Aw, quimsacta yaćhaycuśhun:

• Diosmá cawsayta licalichïca. Jehovapi Bibliami niyan: “Aśhwanpa paymi llapanchictapis cawsayta, lluy imactapis uycamäninchic” (Hechos 17:25, Muśhü Limalicuy). Pay’a ima cawsäytapis uyal’a suma poderniyumá wañücunactapis cawsachimunampa.

• Dios, unaypis cawsachilañam wañü nunacunacta. Bibliaćhu niyanmi pusä nunapi wañul yapa cawsamuśhanpi, walmipis, umbripis imaymana watayücama cay allpäman. Waquinnintä wañulpuluptin, Lazaructa tawa punña wañüśha cayaptin (Juan 11:39-44).

• Dios suma sumämi munayan wañücunata cawsachïta. Jehová ćhïninmi wañuycata, cuntrantanümi licayan (1 Corintios 15:26). Chincachïta allictam munayan, lulalun’a wañücunata śhalcächimul. Yalpayninćhu cäcunami cay allpaman cawsapäcamun’a (Juan 11:24, 25).