“Diosga paiguna huacashca ñahui yacutas pichasha chaquichingami. Huañunahuas illangami, huacanahuas, llaquirisha caparinahuas, nanaigunahuas tucuringami. Tucui chi ñaupa tiaccuna ña tucurishca manga” (Apocalipsis 21:3, 4, El Nuevo Testamento Quichua de Pastaza).

Can munashcata tarabashami cushi sintiringui (Isaias 65:​21-23).

Llaquirisha, ungushalla causanatahuas mana charinguichu (Isaias 25:8; 33:​24).

Camba ailluhuan, amigogunahuanbas huiñaibag cushimi causangui (Mateo 5:5).

Biblia nishcata quiringahuaga, ishcai nishcagunata ricushun:

• Diosga cai nishcagunata pactachingahua ushaitami charin. Diospa ushaihuanga mana pihuas pactaiba chan. Chiraicumi Bibliaibiga Diosllata, “Yapa jatun ushac Dios” nisha shutichin (Apocalipsis 15:3). Shinashaga, cai Allpaibi causaita alichingamirauni Dios nicpiga quirina anchi. Bibliaibiga, “Yaya Diosga tucui ranatas ushanmi” nin (Mateo 19:26).

• Diosga cai nishcagunata pactachinata munanmi. Yuyashun. Huañushca runagunamanda Bibliaga ninmi, paigunata causachingahua Jehová munasha chapaun (Job 14:​14, 15).

  Chasnallata Bibliaibiga ninmi, Diospa Churiga ungushcagunata jambira. ¿Imaraicuta jambira? Chimi paiba munai ara (Marcos 1:​40, 41). Jesús chasna rasha ricuchira, paiba Yaya cuinta llaquihuan auc runagunata llaquisha yanapangahua munashcata (Juan 5:19).

  Shinashaga Jehová, Jesushuas sumac causaita Allpama apamunata munanaun. Chi nishcataga quirina manchi (Salmo 72:​12-14; 145:​16; 2 Pedro 3:9).