« Nora in rézuréksion » (Akt 24:15, Traduction du monde nouveau).

va èd a ou suport douleur kan in moun ou ièm lé mor (2 Korintien 1:3, 4),

ou nora pu peur la mor (Ébreu 2:15),

ou nora lèspoir artrouv out bann fami èk out bann kamarad ke lé mor (Jan 5:28, 29).

Oui, ala 3 rézon :

• Bondieu la kré tout zafèr. Dan la Bib lé ékri, « le komansman la vi » i sort koté Jéova (Psom 36:9 ; Akt 17:24, 25). Si Bondieu lé kapab donn la vi, surman li gingn relèv bann mor.

• Dann tan lontan Bondieu la fé reviv domoun mor. Dan la Bib, nou pe lir koman 8 mor la retrouv la vi su la tèr. Navé marmay, gramoun, mesieu èk madam. Na in pe té vièn mor, é na mèm inn lété antéré depui 4 jour ! (Jan 11:39-44).

• Bondieu va vréman fé sa in jour. Jéova i suport pa la mor. Pou li, la mor lé son lènmi (1 Korintien 15:26). I tard pa, Bondieu va fé disparèt la mor. Li lé présé redonn la vi sèk li souvien, pou viv su la tèr (Job 14:14, 15).