E schvodzka angle služba hin sar aver zhromažďeňe, so chudas le Jehovastar. Hin pre oda, kaj jekh avreske te sikavas, hoj pes rado dikhas u kaj jekh avres te zoraľaras. (Heb 10:24, 25) E schvodzka angle služba majinel te ľikerel ča 5 dži 7 minuti imar oleha, hoj pes phenela, ko kaha džala, kaj pes džala u pro agor pes o phral pomodľinela. (Te hin e schvodzka pal o zhromažďeňe, majinel te ľikerel mek frimeder.) O phral, so ľidžal e schvodzka, phenela, pal soste šaj vakeras andre služba. Šaj el, hoj sombatone avena o phrala the pheňa, so calo kurko na sas andre služba a vašoda kampel pale te phenel, pal soste šaj vakeras le manušenca. So šaj mek o phral rozkidel pre schvodzka?

• O ramčekos: So šaj vakeras andre služba andal e brožurka Amaro kresťansko dživipen the služba

• Sar te chudel te vakerel pal oda, so sas andro hiri abo so pes ačhiľa maškar o nipi

• So te phenel, te vareko phenel vareso proci

• So te phenel varekaske, ko na paťal andro Del. Ko paťal, hoj sam le opicendar. Ko vakerel avra čhibaha. Ko phirel andre vjera, so na prindžaras

• Sar te sikavel jw.org, aplikacija JW Library^® abo anglune the palune stranki andre Biblija

• Sar te del brožurka, kňižka abo vareso aver, so šaj mukhas andre služba

• Sar te zvestinel prekal o telefonos, paš o verdanora, prekal o ľila, sar te del pale duma abo sar te ľidžal o študijum

• Leperel, pre soste kampel andre služba te del pozoris, sar u kana te vakerel le manušenca abo sar pes te ľikerel ko manuša

• Rozkidel varesavi lekcija abo videjo andal e brožura Zlepšuj sa v čítaní a vyučovaní

• Sar te del zor abo te pomožinel oleske, kaha džas andre služba

• Phenel, so lačho zadžiďiľa vareko andre služba abo rozkidel o tekstos andal e Biblija pal e služba