„Bachtaleder hine ola [manuša], so šunen le Devleskero lav a doľikeren les!“ (Lukáš 11:28 E Nevi Zmluva)

Tumari romňi, tumaro rom tumen kamela andal calo jilo. (Efezanom 5:28, 29)

Tumari romňi, tumaro rom tumenge presikavela paťiv. (Efezanom 5:33)

Ela tumenge mište pro jilo, jekh avreske paťana. (1. Petra 3:10, 11)

Adaj hin duj dvovodi:

• O Del kerďa le manušen, kaj te radisaľon fameľijakere dživipnastar. E Biblija phenel, hoj savore fameľijen... „hin peskero menos le Devlestar“. (Efezanom 3:14, 15 E Nevi Zmluva) Čiže, la fameľija stvorinďa o Jehovas. Soske hin dvoležito ada te džanel?

  Premišľinen: Te chaľan lačho chaben a kamen te džanel, so savoro hin andre oda chaben, hoj hino ajso chutno, kastar phučena? Určiťe phučena olestar, ko les taďa.

  Rovnakones, te kamen te džanel, so savoro kampel, kaj tumen te el šukar fameľija, nekfeder kerena, te phučena le Devlestar, le Jehovastar, bo ov stvorinďa le manušen, kaj te dživen sar fameľija. (1. Mojžišova 2:18–24)

• Le Devleske pre tumende zaležinel. Tumari fameľija kerela mište, te rodela biblicka radi, so del o Jehovas. Soske? Bo „[o Del] pes pal tumende starinel“. (1. Petra 5:6, 7 E Nevi Zmluva) Le Jehovaske pre tumende igen zaležinel a leskere radi pomožinen te el šukar dživipen! (Príslovia 3:5, 6; Izaiáš 48:17, 18)