„Sa, so hin pisimen andre le Devleskero lav, avel andral le Devleskero muj.“ (2. Timotejovi 3:16 E Nevi Zmluva)

Odphenela tumenge pre tumare otazki pal o dživipen. (Príslovia 2:1–5)

Dela tumen goďaver radi, so tumenge sako džives šaj pomožinen. (Žalm 119:105)

Dodžanena tumen pal oda, savo dživipen užarel pro lačhe manuša. (Rimanom 15:4)

Adaj hin trin dvovodi:

• Savoro, so hin andre Biblija, jekh avreha pasinel. Asi 40 murša pisinenas la Biblija buter sar 1 600 berša. Buter olendar, so la pisinenas, pes ňigda na arakhle. The avka, hin la Biblija jekh hlavno tema a savoro andre late jekh avreha pasinel.

• O biblicka pisaťeľa sas čestna. But svetska pisaťeľa garuvenas andre o čačipen, sar lengero narodos prehrajinďa varesavi vojna. Ale o biblicka pisaťeľa sas čestna manuša a pisinenas the pal peskere chibi, so kerenas, the pal o chibi, so kerďa lengero narodos. (2. Paralipomenon 36:15, 16; Žalm 51:1–4)

• Biblicka proroctva hine čačipnaskere. E Biblija 200 berša anglal phenďa, hoj ela zňičimen o foros Babilon. (Izaiáš 13:17–22) Sas presňe phendo, sar o slugaďa domarena o Babilon a sar pes vičinela o manuš, so len ľidžala! (Izaiáš 45:1–3)

  The aver biblicka proroctva pes presňe splňinde. Vašoda paťas oleske, hoj e Biblija hiňi čačes le Devlestar. (2. Petra 1:21)