Со и е Девлескоро Царство?
Со ка вакере ту...
-
на џанава?
-
несави парамис?
-
влада ко небо?
СО ВАКЕРЕЛА И БИБЛИЈА
„О Девел со и ко небо ка ваздел царство со никед нане те овел уништимо“ (Даниел 2:44).
„Леске [е Исусеске] сине денди власт, чест хем царство, те служинен леске са о народија, о племија хем о чхибја“ (Даниел 7:14).
СО ЗНАЧИНЕЛА АКАВА ТУКЕ
-
Праведно влада со ка грижинел пе те овел туке шукар (Исаија 48:17, 18).
-
Ко нево сумнал нане те ове насвало хем ка ове бахтало (Откровение 21:3, 4).
ШАЈ ЛИ ТЕ ВЕРУЊА Е БИБЛИЈАКЕ?
Оја, најхари таро дуј причине:
-
О Исус сикавѓа со ка керел е Девлескоро Царство. О Исус вакерѓа пе учениконге те молинен пе те авел е Девлескоро Царство хем те керел пе е Девлескири воља ки Пхув (Матеј 6:9, 10). Ов сикавѓа сар ка пхерѓол акаја молитва.
Џикоте сине о Исус ки Пхув, ов парварѓа е бокхален, сасљарѓа е насвален хем ваздинѓа е мулен таро мерибе! (Матеј 15:29-38; Јован 11:38-44). Сар владетели ко е Девлескоро Царство, о Исус бут шукар сикавѓа со ка керел о Царство са е манушенге со мангена ов те владинел (Откровение 11:15).
-
О буќа со овена ко сумнал сикавена кај сигате ка авел е Девлескоро Царство. О Исус вакерѓа кај англедер о Царство те анел мир ки Пхув, ко сумнал ка овен мариба, бокхалипа хем земјотресија (Матеј 24:3, 7).
Адала буќа дикхаја лен авдиве. Адалеске, шај те ова сигурна кај е Девлескоро Царство сигате ка анел крајо са акале проблеменге.
РАЗМИСЛИН
Саво ка овел о џивдипе кеда ка владинел е Девлескоро Царство?
О одговор тари Библија башо акава пучибе шај те аракхе ко ПСАЛМ 37:29 хем ИСАИЈА 65:21-23.
Шај исто ка интересинел тут
ОСНОВНА БИБЛИСКА СИКЉОЈБА
Сој е Девлескоро Царство?
Џикоте сине о Исус ки служба, ов керела сине највише лафи башо е Девлескоро Царство. Веконцар, лескере ученикија молинена пе сине те авел о Царство.
СТРАЖАРСКО КУЛА
Со ка керел е Девлескоро Царство?
О Исус џанља кај е Девлескоро Царство тани и единствено влада со шај те решинел о проблемија ко свето. Со више керела е Девлескоро Царство те шај те бајрарел амари доверба ки лесте?
АМЕНГЕ
Соске те сикљове тари Библија?
И Библија поможинела буте манушенге ко цело сумнал те аракхен одговорија башо најважна пучиба. Мангеа ли туке да те поможинел?
