Со мислинес е Библияке?
Мислинес ли кай си...
книга която съдържинел манушикани мъдрост?
книга която съдържинел измислицес?
е Девлескоро слово?
СО ПХЕНЕЛ И БИБЛИЯ
„О цело Писание си вдъхновиме таро Дел.“ (2 Тимотей 3:16, „Превод на новия свят“ дасиканес)
СО ОЗНАЧИНЕЛ ДАВКХА ТУКЕ
Шукар отговоря те важноне въпросиенге. (Притчи 2:1–5)
Полезна съвекя те животоске. (Псалм 119:105)
Истинско надежда за о бъдеще. (Римляни 15:4)
НАИСТИНА ЛИ АЩИ ТЕ ВЕРУВИНАС ДАЛКХЕСТЕ СО ПХЕНЕЛ И БИБЛИЯ?
Ва, поради поне трин причинес:
Впечатляващо хармония. И Библия ули пишиме за 1600 години, около 40 различноне манушендар. Побут лендар на пенжаренас пес. Въпреки далкхесте, и цело книга си хармонично, иси ла йекх основно тема.
Искрена писателя. Често о светска писателя дикхен те гаравен пе народоскере грешкес. За разлика лендар, о Библейска писателя искрено пишинде сарто пере грешкес, чука пе народоскере–да. (2 Летописи 36:15, 16; Псалм 51:1–4)
Точна пророчества. И Библия предскажингяс кай о древно град Вавилон ка овел унищожиме, около 200 години преди те ачшол давкха. (Исаия 13:17–22) Пхенгяс ма само сар ка перел о Вавилон, а даже кастар! (Исаия 45:1–3)
Бут авер Библейска пророчества уле изпълниме жи ки най–цикни подробност. Нима на очаквинас точно давкха таре Девлескоро слово? (2 Петър 1:21)
ПОМИСЛИНЕ ТУКЕ
Сар ащи е Девлескоро слово те подобринел то животос?
И Библия отговоринел далкхе въпросиесте андо ИСАИЯ 48:17, 18 тай 2 ТИМОТЕЙ 3:16, 17.
Разгледай също
ОСНОВНИ БИБЛЕЙСКИ УЧЕНИЯ
Сар ащи те овас сигурна, кай и Библия си таро Дел?
Ако и Библия си таро Дел, требинел те овел различно саворе авере лилендар.
АМЕНГЕ
Соске те сикльовес и Библия?
Милионя мануша андо светос аракхен отговоря е важноне въпросиенге е животоске анди Библия. Мангес ли те овес йекх лендар?
АМЕНГЕ
Манг декхой те авел туменде
Хоратине е Библияке е Йеховаскере Свидетеленца или сикльов и Библия бипаренгоро
