I bibla — Hoi hi li tuke?
Hi li . . .
-
i latcho libro?
-
i manushengro libro?
-
o Dewleskro lab?
HOI PENELL I BIBLA?
“Lauter, hoi an o Debleskro lab tchindlo hi, tchiwas o Dewel an i menshengre djia” (2. Timoteo 3:16, O DEBLESKRO DROM).
HOI DELL MANGE KOWA?
Me nai hatsau o tchatchepen pral maro djipen (Gosbrepen [Sprüche] 2:1-5).
Man well tsikedo, ha te wap bachteles (Gilja [Psalm] 119:105).
Me djinau, gai i shukka tsiro glan mende hi (Remarja 15:4).
HOI I BIBLA PENELLA HI TCHATCHO!
Kate nashte dikeh hoske:
-
I bibla hi o Dewleskro lab. I bibla was an 1 600 bersha tchindlo. 40 morsha tchinan kote pre. Kote dran nashte dikah mer, gai jon pen gar nashte teele rakeran. Hako rakepen an i bibla hi jaake, ha te walls kowa hallauter dran jek mui wri-rakedo.
-
I bibla hi tchatcho. Bud rakerenn pral pende latcheda ha jon hi. I bibla hi wawa tchandes. Dran kowa, gai i tchinepangre ninna pral pengre doosh, ninna pral o tchilatchepen lengro themesta tchinan, haiwah mer ninna, gai i bibla tchatcho hi (2. Kronika 36:15, 16; Gilja [Psalm] 51:1-4).
-
I bibla nashte patseh tu. I bibla tsikeras pral 700 bersha glan wri, gai o Jesus an Bethlehem boldo wella, i tikno gab an Judea (Misha 5:2). Gai was o Jesus tchatchepah boldo? An kowa gab (Mateo 2:1-6)!
Ninna bud wawa kooma was glan wri tchindlo. Hallauter was jaake, ha glan pendlo was (2. Petro 1:21).
HOI NAI PUTCHEHS TUT?
Nashte annell man i bibla i fededa djipen? — Ha?
Hoi i bibla penella hatseh an JESAJAH 48:17, 18 un 2. TIMOTEO 3:16, 17.
Kate hatseh budeder
ESSENTIAL BIBLE TEACHINGS
Hoske te well an i bibla o tchatchepen?
Te mukas o Dewel i bibla te tchinell, hunte well li jaake, ha kek wawar libro.
PRAL MENDE
Hoske dikas an i bibla?
I bibla tsikeras bud manushen o tchatchepen pral ko pharo kooma an o djipen. Khameh tu o tchatchepen ninna djinell? Kate nai dikeh, ha nashte leh i rakepen mentsa pral i bibla.
PRAL MENDE
Putch pal i rakepen
Te hi tut i putchepen pral i bibla nai rakreh tu mentsa. Ninna nai putcheh mendar, te kameh budeder pral mende te djinell.
