Shai zhuvindin le manush kai soven ande martia?
Phenes ke...
-
... ei?
-
... na?
-
... shai avela?
E BIBLIA PHENEL
“Si ma o pachamos ando Del [...] ke zhuvindina” (Le Apostolengo 24:15, E Lashi Viasta).
SO SI KAKO AMENGE?
Del amen pacha ando ilo kana merel varekon kai kamas zurales (Filipiana 4:7).
Chi mai daras zurales katar e martia (Zhiduvuria 2:15).
Azhukeras chachimasa te dikhas pale le manushen kai kamas ai soven ande martia (Iovano 5:28, 29).
SI PALA SOSTE TE PAKIAS ANDE BIBLIA?
Ei, akana ferdi phenas trin:
-
O Del si kon del o traio. E Vorba le Devleski phenel ke o Jehova ‘del savorhenge o traio’ (Le Apostolengo 17:24, 25; Psalmo 36:9). O Del dias o traio ka sa so godi si pe Phuv a po cheri, pala godo shai del pale o traio sa godolen manushen kai soven ande martia.
-
O Del zhuvindisardias de but vriama mai palal uni manushen. E Biblia phenel pa 8 manush kai zhuvindisaile ai traisarde pale pe Phuv, sas mursh, zhuvlia, bare ai tsinorhe. Uni manush sas mule tsirha vriama, numa iek mursh sas mulo 4 giesa (Iovano 11:39-44).
-
Le Devles si leske te del pale o traio le mulen. Ka o Jehova nai leske drago e martia, vo dikhel la sar iek duzhmano (1 Korintiana 15:26). Si leske anda o ilo te ankalavel anda e lumia ka godo duzhmano ai si te kerel les mashkar o zhuvindimos. Vo kamel te train pale pe Phuv sa godola kai si ande lesko gindo (Job 14:14, 15).
GINDI TU
Shai avela plachal tu
PA AMENDE
Sostar trobus te sikios pa e Biblia?
E Biblia zhutil ka millonuria manush pe sa e lumia te arakhen le bare prame kai pushenpe ando traio. Sas te plachal tu te aves iek anda lende?
