„Le cheresko Del jekhe kaver themes kerela, so chikana chi nacholatar” (Danieleske 2:44).

„Shavo davadyol amenge: o krajisaripe pe lesko phiko avla” (Izajasheski 9:5).

• Kado chacho krajipo vi vash tuke si (Izajasheski 48:17, 18).

• Kana nyevi luma so avla, kothe saste avna le manusha, thaj baxtali avla lengo trajo (Viziovongi 21:3, 4).

Ova, dihas duj:

• O Jezush sikadyas, so kerela ande le Devlesko Krajipo. Pe kodi sityardas kodolen kon pal leste gele, te rudyinen te avel le Devlesko Krajipo, thaj te avel so o Del kamel pe phuv (Matevesko 6:9, 10). O Jezus sikadyas sar avla kana kerdyol, so mangen ande pengo rudyipo.

  Kana o Jezush pe phuv sas xaxadyas le bokhalen, sastyardas le nasvalen, thaj opre ushtyardas le mulen (Matevesko 15:29–38; Janoshesko 11:38–44). O Jezush, kana kraji avla, sikavla, hoj so kerela ande pesko krajipo vash peske chache manusha (Viziovongi 11:15).

• Te dikhas so si ande intrego luma, oprepinzharas, hoj o Krajipo sidyarasa avel. O Jezush phendas la, kana avla lesko krajipo, pacha anel pe phuv. Ba anglal kado inke avla baro maripo, mishkila pe e phuv, thaj bari bokh avla (Matevesko 24:3, 7).

  Shaj te dikhas vi kade si amare dyesa. Andar kadi zhanas, ke le Devlesko Krajipo na butara avela, thaj nacharela sakofelo problemura.