Пушэн кодэла, ко адинон

Пэр кастэ о Павло ԥэнэн «кодэла, ко на патян андо Дэл» андэ 2 Коринфянам 6:14?

Андэ 2 Коринфянам 6:14 амэ адиносарас: «На дэн андрэ андо чужо ӷамо кай кодэла, ко на патян андо Дэл». Если тэ проадиносарас май дур, тоди ашэл понятно, кай катэ о Павло дэл дума пала мануша, савэ точно на служын лэ Иеговасти андэ собрания. Када кадяжэ дицол анда авэр стихоря, кай о Павло пэ кацавэ мануша ԥэнэн кадяжэ, кай вонэ на патян андо Дэл.

Например, о Павло ԥэндя лэ христианонэнди, кай вонэ найдраго тердэ, кай жанас андо сындо, кай лэн тэ сындон и мануша, савэ на патян андо Дэл, андо Иегова (1 Коринфянам 6:6). Катэ и мануша, савэ на патян андо Дэл — када сындомаря андо коринфско судебно система. Андэ авэр стихо о Павло ԥэнэн, кай о Сатана ԥандадя о чачимос лэ нэверущёнэ манушэндар. Пэ лэндирэ яқа кабута пакрывало, саво на дэл лэнди тэ диқэн и лащи весть лэ Дэвлэстар. Но о Павло ԥэнэн, кай если бы вонэ манглоп лэ Иеговас, во злиноп кадэва покрывало. Но кодэла, ко на патян, на камэн тэ мангэн пала када лэ Дэвлэс (2 Коринфянам 3:16; 4:4).

Дэсавэ нэверущи мануша терэн найлащи дила и тэлён хохавнэ дэвлэнди (2 Коринфянам 6:15, 16). Но най всаворэ андэр лэндэ преследуют лэ Дэвлэстирэ служытелёнэн. Варико дажэ камэл май бут тэ уӷанэн пала Иегова, ай варикасти дажэ чалёл, кай о хулай чи и хулаи тэлёл лэ Иеговасти (1 Коринфянам 7:12—14; 10:27; 14:22—25; 1 Петра 3:1, 2). Но андэ кажно кацави ситуацыя, пала сави пистрояс о Павло, во всаек везде ԥэнэнас алава «ко на патян андо Дэл». И во када ԥэнэнас пэ мануша, савэ на сас андэ христианско собрания (Деяния 2:41; 5:14; 8:12, 13).

Принцыпо анда 2 Коринфянам 6:14 можэт тэ поможый андэ разни маменторя андэ жызня. И лэс часто призындярэн, кала дума жал пала кода, кай тэ жэнинпэ чи тэ жан миростэ (Матфеё 19:4—6). Христианоря, савэ динэ алав лэ Иеговасти, кай жувэна важ лэстэ и болделэ, канешно, на родэн пэсти манушэс машкар кодэла, ко на патял андо Иегова. Важ кода кай кацавэ мануша фартэ отличаюца лэ христианонэндар: лэндэ совсем авэр смысло андэ жызня, вонэ по аврятэ полэн лэ Дэвлэс и вонэ цэнин андэ жызня совсем авэр.

Ай со можно тэ ԥэнэс пала мануша, савэ ужэ сытён па Библия и ԥирэн пэ собрания или можэт дажэ ужэ служын сар некрещёни вазвещятеля? Ԥэнэса пала лэндэ, кай вонэ «на патян андо Дэл»? Най, важ кода кай вонэ прилинэ весть лэ Дэвлэстар и ужэ терэн шаӷоря, кай тэ болдён (Римлянам 10:10; 2 Коринфянам 4:13). Например, хоть о Корнилиё инке на сас болдо, пала лэстэ сас пистромэ, кай во ужэ тэлёл лэ чачунэ Дэвлэсти (Деяния 10:2).

Авелоп годявэрнэс, если о болдо христианино или христианка линоп тэ встречаюца или тэ камэн тэ терэн брако лэ манушэса, саво некрещёно вазвещятелё? Тоди со, кода со пистромэ 2 Коринфянам 6:14 кардэ на поджал? Най, када авелоп най годявэрнэс. Васо? Важ кода кай о Павло ворта ԥэндя, кай и ԥивли манушни можэт «тэ вижал пала кастэ камэл, но кати кай во тэ авэл христианино» (1 Коринфянам 7:39). Пэ кадэла лэ Павлостирэ алава вижал, кай и болдэ христианоря, трэбуй тэ родэн пэсти манушэс кати машкар христианоря.

Со сыкавэн и алава «тэ авэл христианино»? Андэ Римлянам 16:8—10 и андэ Колоссянам 4:7 о апостоло Павло дэл дума пала мануша, савэ лэ Ӷосподостирэ раборя или ко терэл дила, сави ашадя амэнди о Иисусо. Кадяжэ андэ кадэла стихоря о Павло ԥэнэн пэ кацавэ мануша, кай вонэ сас лэстирэ помошникоря, лэн одобряют и любин авэр ԥрала андэ собрания. Кадяжэ во ԥэнэн, кай кацавэ мануша на парашэн тэ служын лэ Дэвлэсти и терэн када вмести лэса сар раборя.

Кала по мануш, саво ля тэ пашол каринг о Дэл, можно тэ ԥэнас кацавэ алава? Тоди кала во анда вся оди терэл кода, со камэл о Дэл, ай най кода со камэлпэ лэсти. О Иисусо ԥэндя пала када кадя: «Ко камэл тэ жал манца, мэк отԥэндёл пэстар, лэл пэско лэ ԥаримаско столбо и жал пала мандэ» (Матфеё 16:24). Мануш сыкавэл, кай ашэля христианино и кай андэ вся камэл тэ кандэл лэ Дэвлэс, кала дэл алав лэ Иеговасти тэ жувэл важ лэстэ. Посли када мануш болдёл и ашэл назначено лэ Иеговаско служытелё, савэс во одобряет a. Важ када тэ терэн брако кодэлэса «ко патял андо Дэл» — када значит тэ сԥандэн пэстири жызня кати кодэлэ манушэса, саво драго сыкадя, кай патял лэ Иеговасти и ашэля болдо христианино (Иакова 1:1).

Мануша, савэ сытён па Библия лэ Иеговастирэ свидетелёнэнца и терэн кадя, сар сытён, достойни, кай лэн тэ хвалин. Но вонэ инке на динэ алав лэ Иеговасти, кай жувэна важ лэстэ, и служэния лэ Дэвлэсти лэндэ инке най по пэрво ҭан андэ жызня. Вонэ пока кати парувэн пэстири жызня, кай тэ стерэн кадя. Англа кода сар тэ прилэн кацави серьёзно ришэния, сар тэ жэнинпэ или тэ жан миростэ, лэнди спэрва трэбуй тэ прилэн авэр само важно ришэния андэ жызня — тэ дэн алав лэ Иеговасти, кай жувэна важ лэстэ и тэ болдён.

Ай если болдо христианино тэ лэл тэ встречаеца лэ манушэса, саво кати изучает и Библия, мэк дажэ лэс и хвалин важ лэстирэ успехоря, кай англэ тэ доаштярдёл, кала во болдёла и тэ стерэл лэса чи ласа брако, авелоп када годявэрнэс? Най. Кай о изучающё можэт тэ парудёлпэ кода, васо ля тэ изучает и Библия, если во уӷанэна, кай о христианино камэл тэ стерэл лэса брако, но на стерэла када пока во на болдёла.

Часто прожал совсем набут время, сар мануш ашэл некрещёно вазвещятелё и сар болдёл. Важ када тэ прилэс совето тэ на терэс брако кодэлэса, «ко на патян андо Дэл» най кадя ԥарэс. Ай со если кодэва, ко тути чалеля и ко по бэрша ужэ можэт тэ жэнийпэ чи тэ жал миростэ, вибареля андо христианско ери, ужэ най ек бэрш активно андэ собрания и служый сар некрещёно вазвещятелё? Тоди погиндосар акэ пала со: со ритярэл кадэлэ манушэс, кай тэ болдёл? Васо во цырдэл время? Можэт лэстэ исин сомнения? Пэ кацаво мануш на ԥэнэса, кай во на патял андо Дэл, но кадяжэ и на ԥэнэса, кай во патял.

Лэ Павлоско совето пала брако анэн амэнди лашымос (Исайя 48:17). Если дуй мануша ужэ динэ алав тэ жувэн важ о Иегова и болделэ, када поможыя лэнди, кай о ери тэ авэл састо и па чачимастэ бахтало. Лэндэ авэна одинакови цэли андэ жызня. И вонэ лэна одинаково тэ диқэн пэ кода, со важно андэ жызня. Када пэ бутэстэ поможый, кай о ери тэ авэл бахтало. Инке кодэла, ко прилэл лэ Павлоско совето, сыкавэн, кай предани лэ Иеговасти. Када дэл бут блаӷословении, важ кода кай пистромэ: «Ту на ашавэса кодэлэс, ко на парашэл тут тэ кандэл» (Псалом 18:25).

[Сноска]

[Картинка]

О Иегова на ашавэл кодэлэс, ко на парашэл тэ кандэл лэс.