Сытён правильно тэ диқэн пэ спиртни напиткоря

О ТОНИ, пала саво ԥэнэнпэ андэ пэрво статья, моӷ бы тэ жувэл совсем па аврятэ, если бы ашадоп и привычка тэ пэл и спиртни напиткоря. Лэсти сдэласпэ, кай во ритярэл пэс андэ вас, ведь во можэт бут тэ пэл, и када пар лэстэ нисар на дицол. Но кода, сар во пала пэстэ гиндояс, сас нэ правильно. Васо?

Важ кода кай правильно тэ диқэл пэр пэстэ ригатар, лэсти на дэлас о пимос. Полэлас во када чи най, но и спиртни напиткоря римонас лэско мозӷо, ай о мозӷо атвечает важ кода, кай терэл и тила и годи, ай кадяжэ пала эмоцыонально состояния. Со май бут о Тони пэлас, со май мало во полэлас, со лэса терэлпэ.

Авэр причина, васо во нэправильно пала пэстэ гиндояс, сас андэ кода, кай во анда вся о зор зашоласпэ пала пэстири привычка. О Аллено, пала саво сас пистромэ, спэрва на прижанэнас, кай лэстэ проблема лэ пимаса. Во росԥэнэн: «Мэ павас чоралэс и ԥэнавас пэсти, кай мэ нисо вэрыто на терав и кай када най кацави дэ бари проблема. Ӷлавно важ мандэ сас тэ тердював пэ пэско, кай тэ пав и май дур». И хоть авэр шонас сама, кай о Тони и о Аллено присытелэ бут тэ пэн, вонэ ԥэнэнас пэсти, кай лэндэ вся драго. И еқэсти и аврэсти трэбуй сас варисо тэ терэн, кай тэ парувэн пэско гиндо пала алкаӷолё. Но сар имено?

Парудюв ӥто!

Бут анда кодэла, ко парашэлэ тэ пэн, тердэ кадя, сар ԥэндя о Иисус Христос: «Если тири право як подмарэл тут каринг о бэзэх, вилэ ла и вишу. Фэдэр если ту хасарэса ек як, чем вся тири тила шона андэ гие́на» (Матфеё 5:29).

Канешно, о Иисусо нэ имел в виду, кай трэбуй тэ отшынэс варисо анда тила. Но кадэлэса во ԥэндя, кай амэ трэбуй тэ улас вся анда амари жызня, со на дэл амэнди тэ пашувас кай о Иегова. Када можэт тэ авэл фартэ ԥарэс. Но када поможыя, кай амэ правильно тэ гиндосарас и тэ на попэрас андэ ситуацыи, через савэ упалэ линоп бут тэ пас. Вижал, если варико ԥэнэн, кай ту бут пэс, драго погиндосар, сар ту диқэс по алкаӷолё a. Если дицол, кай ту нэ можэш тэ ритярэс пэс андэ вас, на пи вобще. Сар бы када тэ на авэл ԥарэс, када авэла фэдэр, чем тэ хас пэстири жызня.

Дажэ если ту най матимари, цырдэл ли тут бут тэ пэс? Если да, со тути поможыя па аврятэ тэ диқэс по алкаӷолё?

Со трэбуй тэ терэс

1. На бистэр всегда анда вся оди тэ мангэспэ лэ Дэвлэсти. Андэ Библия ԥэнэнпэ всаворэнди, ко камэл тэ радует лэ Дэвлэс лэ Иеговас: «Ни пала со нэ пэрэжывайте, ай важ вся росԥэнэн лэ Дэвлэсти андэ молитва и анда вся оди мангэн и блаӷодарин лэс. Тоди о Дэл дэла тумэнди спокойство андо ди, саво май баро чем всаворэ гиндоря и фэрия тумаро ди и годи через о Иисус Христос» (Филиппийцам 4:6, 7). Пала со трэбуй тэ мангаспэ, кай тэ авэл спокойство андо ди?

Тути трэбуй тэ прижанэс, кай ту нэправильно диқэс по алкаӷолё и трэбуй варисо тэ парувэс. Росԥэн лэ Дэвлэсти, со ту камэс тэ терэс. Во подритярэла тут и поможыя тэ на попэрэс андэ бида. Андэ Притчи 28:13 ԥэнэнпэ: «Ко гаравэл пэстирэ бэзэха, кодэлэстэ на авэла лашымос. Ай ко росԥэнэн пала лэндэ и парашэл лэн тэ терэл, кодэлэс жалуина». О Иисус Христос сытярэлас тэ мангаспэ: «Поможысар амэнди тэ на подаспэ лэ бэзэхэсти и фэрисар амэн лэ Сатанастар» (Матфеё 6:13). Сар амэ можэм тэ терас кадя, сар мангаспэ, и сар о Дэл атвечает амэнди?

2. Лэн зор анда лэ Дэвлэско Алав. «О алав лэ Дэвлэстар жундо и лэстэ исин зор» и во «росполэл и гиндоря и кода, со по ди» (Евреям 4:12). Бутэнди анда кодэла, ко бут пэлас, поможысардя, кай вонэ линэ кажно дес тэ адинон и Библия и тэ гиндон пала кода, со проадиносардэ. Акэ со пистросардя о псалмопевцо: «Бахтало кодэва, ко на терэл кадя, сар подԥэнэн и найлашэ мануша... Ай радуийпэ лэ Иеговастирэ законости, и во лэс адиной и гиндой пала лэстэ дес и рят. [...] Вся, со во терэл, лэстэ вижал» (Псалом 1:1—3).

О Аллено парашэля тэ пэл блаӷодаря кодэлэсти, кай ля тэ изучает и Библия лэ Иеговастирэ свидетелёнэнца. Во ԥэнэн: «Мэ ужэ дэлмут хасардоп и жызня, если бы най и Библия и латирэ принцыпоря».

3. Сытюв тэ ритярэс пэс андэ вас. Анда Библия амэ уӷанас, кай дэсавэ мануша англа кода, сар тэ ашэн христианоря, сас матимаря, но вонэ ашэлэ вужэ «через лэ Дэвлэско духо» (1 Коринфянам 6:9—11). Со када значит? Спэрва вонэ парашэлэ тэ пэн и найдраго пэс тэ андярэн. Вонэ сытелэ тэ ритярэн пэс андэ вас через лэ Дэвлэско свынто духо. Андэ Библия ԥэнэнпэ: «На пэн фартэ бут вино, кай тэ матён, состар андярэн пэс билажавардэс, но домэкэн, кай пэр тумэндэ тэ авэл о свынто духо» (Эфесянам 5:18; Галатам 5:21—23). О Иисус Христос ԥэндя: «Хэба о небесно Дад на дэла о свынто духо кодэлэнди, ко мангэл лэс?». Важ када «на парашэн тэ мангэн и тумэнди дэна» (Луки 11:9, 13).

Если ту камэс тэ служыс лэ Иеговасти кадя, сар лэсти уӷодно, трэбуй тэ сытёс тэ ритярэс пэс андэ вас. Андэ када поможыя, если ту лэса тэ адинос и тэ изучаеш и Библия, ай кадяжэ анда оди тэ на парашэс тэ мангэспэ лэ Дэвлэсти. Если тутэ най сразу вся вижал, на умэк и вас и на бистэр, со пистромэ андэ лэ Дэвлэско Алав: «Ко сеий кода, со камэл о духо, лэстэ авэла лэ духостар и вечно жызня. На ласа тэ умэкас и вас, кала терас лашымос, важ кода кай если на сдасапэ, тоди андэ пэстири время стидаса уражаё» (Галатам 6:8, 9).

4. Правильно витидэ друӷонэн. «Ко ԥирэл кодэлэнца, ко мудро, ашэла мудро, ай ко сԥандёлпэ найгодявэрнэнца, попэрэла андэ бида» (Притчи 13:20). Ԥэн лэ друӷонэнди, кай лян па аврятэ тэ диқэс по алкаӷолё. Андэ Библия ԥэнэнпэ, кай, кала ту парашэса тэ стидэспэ кодэлэнца, ко «упэнаспэ сар матимаря, ԥирэнас пэ шумни вечеринки и пьянки», варико анда кацавэ друӷоря на полэла тут и лэла тэ дэл дума пала тутэ вэрыто (1 Петра 4:3, 4). Ав ӷотово тэ отԥэндёс тэ проандярэс и время кодэлэнца, ко на стол патив пэ тири ришэния пала алкаӷолё.

5. Стов ӷраницы. «Будэр на домэкэн, кай о миро тэ парувэл тумаро гиндо, но сытярэн пэстири годи и парудён. Кадя тумэ полэна, со ужал андэ лэ Дэвлэстири воля, и екжэнэ додиқэна, кай вой добро, приятно и совершэно» (Римлянам 12:2). Кала стос кацавэ ӷраницы, шув сама по лэ Дэвлэско Алав, ай най пэ друӷоря или по миро. Тоди тири жызня анэна радость и тути, и лэ Дэвлэсти. Но сар тэ полэс, савэ ӷраницы тэ стос лично важ пэстэ?

Скати бы ту тэ на пэс, если ту посли када парашэс тэ ритярэс пэс андэ вас и твэрэзо тэ гиндос, вижал, ту пилян фартэ бут. Важ када, если ту пэс, авелоп найгодявэрнэс тэ стос важ пэстэ ӷраницы — варисо машкар «твэрэзо и мато». На хохав корко пэс. Трэбуй драго тэ полэс, скати ту можэш тэ пэс, кай упалэ тэ на матёс.

6. Сытюв тэ ԥэнэс «най». «Кала тумэ ԥэнэн „да“, мэк када значит „да“, и кала ԥэнэн „най“ — значит „най“» (Матфеё 5:37). Сытюв пативалэс тэ отԥэндёс тэ пэс, кала авелян тэ побэшэс варикастэ, и вонэ заставляют тэ пэс. «Сар о хамос вкусно лонэса, мэк и дума тумари вся и время авэла приятно, кай тумэ тэ ӷанэн, сар тэ дэн дума кажнонэса» (Колоссянам 4:6).

7. Манг помощь. Манг помощь кай и надёжни друӷоря, савэ стон патив пэ тири ришэния важ о алкаӷолё и подритярэна тут андэ кода, кай тэ уӷодис лэ Дэвлэсти. «Дуенди фэдэр, чем еқэсти, важ кода кай лэндэ авэла лашымос пала лэнди ԥари бути» (Экклезиаст 4:9, 10; Иакова 5:14, 16). Кацаво жэ совето дэл о Национальный институт злоупотреблений алкоголем и алкоголизма: «Тэ лэс тэ пэс май набут дэкала фартэ ԥарэс, важ када манг лэ чачен и лэ друӷонэн тэ поможын тути тэ ритярэс пэс андэ вас».

8. Ритярдюв кодэлэсти, со ришыл. «Но ко внимательно диқэл андэ лэ Дэвлэско идиально законо, саво анэн свобода, и ритярэл кадэва законо, тоди во на бистрэл о алав, саво ашунэл, ай терэл кадя, сар уӷангля. Кадэлэстар во авэла бахтало» (Иакова 1:22, 25).

Кала исин зависимость

Най всаворэ, ко бут пэн, ашэн матимаря. Но дэко пэн кадя бут или часто, кай вонэ ужэ нэ моӷут би кадэлэско. Через о алкаӷолё кай о мануш появийпэ физическо и психологическо зависимость, важ кода кай андэр лэстэ исин вещества, савэ фартэ влияют по мануш. Кацавэ манушэнди можэт тэ на хутилэл зор и духовно помощь, кай тэ парашэн тэ пэн. О Аллено вспоминает: «Кала мэ мэкавас тэ пав, тэ отсытював лэ пимастар сас физически дуқанэс. Тоди мэ полэм, кай манди трэбуй най кати духовно помощь, но и тэ жав кай о врачо».

Да, кай тэ улэн и алкаӷольно зависимость, бутэ манушэнди трэбуй медицынско помощь b. Возможно, дэкасти трэбуй тэ пэрэн андэ больница, кай тэ виритярэн, кала лэн ԥагэл би ягаляко. Или кай тэ прожан и личения, кай будэр тэ на цырдэл каринг о пимос. Лэ Дэвлэско Шаво, саво терэлас чудеса, ԥэндя: «О врачо трэбуй най лэ зоралэнди, ай лэ насвалэнди» (Марка 2:17).

Лэ Дэвлэстирэ советоря всегда анэн лашымос

О Дэл фартэ камэл, кай амэнди всегда тэ авэл драго, и важ када во дэл лашэ советоря андэ Библия. Посли кода, сар о Аллено уля пэстар и алкаӷольно зависимость, прожыля 24 ӷода. Во вспоминает: «Сар сас приятно тэ уӷанав, кай мэ моӷу тэ парудював, кай о Иегова камэл тэ поможый манди тэ парудював, кай во...» Катэ о Аллено ашэля мулком, кай тэ зритярэл и ясва, важ кода кай вся када вспомнил, ай потом продолжыл: «...кай во вся полэл, кай лэсти най всаек, со манца, кай во дэл помощь, сави трэбуй. Када лэл лэ одестар».

Важ када, если тутэ исин алкаӷольно зависимость, на умэк и вас и на гиндосар, кай ту безнадёжно. Кай о Аллено и кай бут авэр мануша сас кацави жэ ситуацыя, но вонэ смоӷли тэ пэн май набут или вобще тэ отԥэндён лэ пимастар. И вонэ нэ жалеют важ када, ту тожэ нэ пожалееш.

Вижал, со бы ту тэ на витидэс важ пэстэ: тэ пэс набут или вобще тэ отԥэндёс лэ пимастар, шув сама пэ кода, со камэл о любящё Дэл: «Если бы тумэ кати тэ ритярдоп мэрно законо! Тоди тумари мирно жызня ашэлоп сар лэн и тумари праведно дила шутопэ пэ волны андэ моря» (Исаия 48:18).

[Сноски]

[Рамка/Картинка]

 На пав ли мэ фартэ бут?

Пуш пэстар:

• Акана мэ пав май бут, чем раньшэ?

• Акана мэ пав май часто, чем раньшэ?

• Мэ лэм тэ пав май крепки напиткоря?

• Трэбуй манди тэ подпав, кай тэ на пэрэжываю или тэ бистрав пала проблемы?

• Ԥэнэнас манди варико анда чаче или друӷоря, кай мэ бут пав?

• Исин мандэ дэкала проблемы через о алкаӷолё пэ бути, цэрэ или по отдыхо?

• Ԥарэс манди тэ на пав цыло курко?

• На чалёл манди, кала авэр отԥэндён тэ пэн?

• Гаравав ли мэ аврэндар, скати пав?

Если ту атветил «да» пэ ек или май бут вопросоря, тути, возможно, трэбуй тэ лэс па аврятэ тэ диқэс по алкаӷолё.

[Рамка/Картинка]

Сар тэ прилэс годявэрни ришэния?

Англа кода, сар тэ пэс, погиндосар:

• Годявэрнэс ли авелоп тэ пэс или май фэдэр тэ отԥэндёс?

Совето. Кодэлэсти, ко на ӷанэн, скати лэсти трэбуй тэ пэл, май фэдэр вобще тэ на пэл.

• Скати трэбуй тэ пэс?

Совето. Полэ, скати трэбуй тэ пэс лично тути, кай тэ на парашэс тэ ритярэс пэс андэ вас.

• Кала на трэбуй тэ пэс?

Совето. Англа кода, сар тэ бэшэс пала рулё, англа бути, пэ сави трэбуй тэ авэс внимательно, англа кода, сар тэ терэс лэ Дэвлэстири дила; если и жувли аштярэл бэятос или кала о мануш прилэл варисавэ драба.

• Кай тэ пэс?

Совето. Андэ лащи обстановка, най чоралэс, най англа мануша, савэ против алкаӷолё.

• Каса тэ пэс?

Совето. Лэ друӷонэнца и лэ родоса, савэ ӷанэн драго пэс тэ андярэн, най кодэлэнца, ко любий тэ пэл фартэ бут.

[Рамка/Картинка]

Сар и Библия поможысардя лэ манушэсти, саво раньшэ сас матимари

О Супото анда Таиландо сас матимари. Спэрва во пэлас кати вэчэронэнца. Потом ля тэ пэл кажно тэсара, ай тоди и в обед. Часто во пэлас просто, кай тэ ашэл мато. Еқвар лэ Иеговастирэ свидетеля предложыли лэсти тэ изучает и Библия, и во соӷласился. Кала о Супото уӷангля, кай лэ Дэвлэсти на чалёл, кала и мануша фартэ бут пэн, во парашэля тэ пэл. Но сар прожыля дэсави время, во упалэ ля када тэ терэл. Лэстирэ ерести сас фартэ найвушэро.

Но о Супото любияс лэ Иеговас и камэлас тэ служый лэсти кадя, сар во аштярэл. И друӷоря на парашэнас лэсти тэ поможын и ԥэнэнас лэстирэ ерести тэ проандярэн лэса май бут время и тэ на умэкэн и вас. О Супото проадиносардя и алава анда 1 Коринфянам 6:10, кай пистромэ: «Матимари... на попэрэла андэ лэ Дэвлэско Царство». Тоди во поля, пэскати вся серьёзно и кай лэсти трэбуй тэ парашэл тэ пэл.

О Супото ришыл тэ терэл вся, кай тэ домардёл пэстири цэль. Прожыля дэсави время, лэстэ ашэля май састи дружба лэ Иеговаса, и лэс будэр на цырдэлас каринг о алкаӷолё. Андэ када лэсти поможысардя лэ Дэвлэско свынто духо, и советоря анда Библия, ай кадяжэ о родо и собрания. Сар жэ лошавэнас лэстирэ чаче, кала во болделя и отдя пэстири жызня лэ Иеговасти! Акана о Супото бахтало кодэлэстар, кай лэстэ исин дружба лэ Иеговаса и кай во можэт тэ поможый аврэнди тэ пашон каринг о Дэл.