«Рисавэна каринг и жизнь кодэла, ко муля» (Деяния 24:15, Нэвэ мироско переводо).

Най кадя ԥарэс авэла по ди, кала хасарэс пэстирэн (2 Коринфянам 1:3, 4).

На авэла бари дар кодэлэстар, кай исин смерть (Евреям 2:15).

Лэса пачачимастэ тэ патяс андэ кода, кай упалэ диқэсапэ манушэнца, савэ важ тутэ куч (Иоанна 5:28, 29).

Да, и пэ када исин бут причины, роздиқаса трин:

• О Дэл дя жизнь всаворэсти со жувэл. И Библия ԥэнэн, кай о Дэл Иегова «кодэва, ко дэл и жизнь» (Псалом 36:9; Деяния 17:24, 25). Можно тэ патяс, кай кодэва, ко вся создал, может и ӷанэл, сар тэ рисарэл каринг и жизнь кодэлэн, ко муля.

• О Дэл дэлмут рисарэлас каринг и жизнь кодэлэн, ко муля. И Библия росԥэнэн пала восемь мануш, савэн рисардэ каринг и жизнь пэ ԥув. Машкар лэндэ слинэ ԥурэ и тэрнэ, мурша и жувля. Бут андар лэндэ сас мулэ най долго, а ек мануш сас найжундо аж штар дес! (Иоанна 11:39—44).

• О Дэл кадяжэ, сар и тоди камэл тэ рисарэл каринг и жизнь манушэн. О Иегова ненавидит смерть; вой важ лэстэ враго (1 Коринфянам 15:26). Во фартэ камэл тэ улэл кадэлэ врагос. Када авэла тоди, кала во упалэ дэла и жизнь кодэлэнди, ко муля. О Дэл всаворэ одеса камэл упалэ тэ додиқэл всаворэн, ко андэр лэсти память. Во рисарэла лэн каринг и жизнь пэ ԥув (Иов 14:14, 15).