Ha yini u fanela ku byela vapswele vaku mayelanu ni leswi u swi yanakanyaka na u ntsrhunxekile? (Pr 23:26) Hikusa Yehovha a va nyike wutiyanguleli bya ku ku hlayisa ni ku ku kongomisa. (Ps 127:3, 4) Swi nga va kazratela ku ku pfuna loko u nga va byeli leswi ku kazrataka. Nakone u nga luzekeliwa hi ndjombo ya ku dondzra hi leswi swi va humeleliki a wuton’wini. Xana swi bihile ku va ni xihundla? A hi minkama hinkwayu, kambe tivonele ku va u yentxa vapswele vaku va kholwa ka mintxhumu leyi nga madzrimi.—Pr 3:32.

U nga vulavulisa kuyini ni vapswele vaku? Zama ku djula nkama lowu mi titwaka na mi ntsrhunxekile hinkwenu. Loko swi ku kazratela ku vulavula na vone hi ku kongoma, va tsraleli karta u va byela leswi u titwisaka xiswone. Kutani u ta ku yini loko va djula ku vulavula hi mhaka leyi wene u kalaka u nga ntsrhunxeki ku vulavula ha yone? Dzrimuka leswaku va djula ku ku pfuna. Vona vapswele vaku swanga lava va yimaka na wene, ku nge valala vaku. Minzamu hinkwayu leyi u yi yentxaka ya ku vulavula ni vapswele vaku hi ku ntsrhunxeka yi ta ku pfuna wutomi byaku hinkwabyu kumbe hi la ku nga helikiki!—Pr 4:10-12.

HLALELANI VÍDEO LEDZRI LIKI VUMPSWHA BYANGA—NDLELA YA KU VULAVULA NI VAPSWELE VANGA, MI GAMA MI HLAMULA SWIVUTISO LESWI LANDZRELAKA:

• I yini leswi Esther na Partik va swi gunguliki mayelanu na vone vinyi?

• U nga dondzra yini ka xikombiso xa Yesu?

• Xana vapswele vaku va swi kombisise kuyini leswaku va zron’weka ha wene?

• Hi yini minsinya ya milawu ya Bibele leyi nga ku pfunaka kuva u vulavula ni vapswele vaku?