‘Matralwa hinkwawu ma huhuteliwi hi Xikwembu Nkulukumba.’​—2 Timoteo 3:16, Tradução do Novo Mundo.

Ku tiva leswo swi ta ku pfuna . . .

ku kuma tinhlamulo leti twisisekaka ta swivutiso swa lisima awuton’wini.​—Amaproverbia 2:1-5.

ku va ni nkongomiso lowu dumbekaka atimhakeni ta siku ni siku.​—Psalma 119:105.

ku va ni kulavisela loku tiyiki ka wumundruku.​—Va-le-Roma 15:4.

Ina, hikola ka swivangelo swirharhu:

• Ku pfumelelana ka drone loku hlamalisaka. Bibele dri traliwi hi mpfhuka wa malembe lama tlulaka 1.600 hi vavanuna va 40 va ku hambana-hambana. Ku tala ka vone a va zanga hi ku tivana. Kambe, buku hinkwadru dra pfumelelana, furhi dri ni nhloko ya mhaka ya yin’we!

• Wudrunguli bya ku dumbeka. Vatrali va wudrunguli va misava va tala ku fihla swihoxo swa vhanu va le kwavu. Kambe, vatrali va Bibele va trali swihoxo swavu ni swa tiko dravu hi ndlela leyi dumbekaka.​—2 Makronika 36:15, 16; Psalma 51:1-4.

• Wuprofeta bya ku dumbeka. Na ka ha sali malembe ya 200, Bibele dri hlayi leswaku doropa dra khale dra Babilona a dri ta mbundrumuxiwa. (Ezaya 13:17-22) A dri hlayanga ndlela leyi Babilona a a ta wa ha yone ntsena, kambe dri hlayi ni vito dra muhluli wa kone!​—Ezaya 45:1-3.

  Swiprofeto swa ku tala leswin’wana swi hetisekile hi wutrhokotrhoko hinkwabyu. Swoswo a hi swone leswi a hi ta swi rhindrela aRhitwini dra Xikwembu Nkulukumba ke?​—2 Petros 1:21.