“Täla sokoana ta fū hoi‘ạkiget.”—Garue 24:15, New World Translation.

Huạg fürmariạ ‘e avat ne le‘et ne ‘äe hanis sin atia.—2 Korinita 1:3, 4.

Tokana ‘e la fea ‘e ala.—Hiperiu 2:15.

‘Ạiröt‘ạkiạg airet la tēag‘esea hoi‘ȧk ma iris ne atia ka ‘äe hanis sin. —Jone 5:28, 29.

‘I, hün he fol:

• ‘Ạitu tä majạu se mạuri. Puk Ha‘a ‘ea Jihova “tä hū ne mạuri.” (Salamo 36:9; Garue 17:24, 25) Iạ tä nā‘ia mạuri se te‘ ne tē ‘atakoa, ma pō pạu la hö‘ạkia mạuri se le‘et ne atia.

• ‘Ạitu a‘sok vȧh ‘on mumuạ ne fū hoi‘ạkiạg ta. Puk Ha‘a af‘ȧk se vạlu. Iris ne fū‘ȧk hoi‘ȧk se‘ la mȧür ‘e rȧn te‘, iris ‘i laloag‘ȧk—lä‘ ri‘ri‘i, mamfua, fā, ma hạina. Ma‘oit ‘e ‘iris ‘i al ma kat rēag roa ra, ka le‘et terȧn häk vȧh se takag ne ala!—Jone 11:39-44.

• ‘Ạitu pa ‘es pạu la a‘sok hoi‘ȧk. Jihova fesiạ‘ pạu se ala; ma iạ hat ala la ‘on firi. (1 Korinita 15:26) Iạ “pa ‘es pạu” la fakravā‘ȧk fir te‘is, ta‘ag la a‘öf pạu ala ‘e fū hoi‘ạkiạg ta. Iạ noh vāvā la fū‘ȧk hoi‘ȧk se‘ ‘iris ne iạ noh a‘häe sin la mȧür hoi‘ȧk ‘e rȧn te‘.—Jope 14:14, 15.