“‘Ạitu . . . täla i‘ua te‘ ne sui ne maf ‘atakoa e ‘oris mafa, ala, tē a‘rū, ouou, ma rū täla toak pạuena.” —Kel‘ȧk tē 21:3, 4, Contemporary English Version.

A‘fūmou‘ạkia ne ‘eake ‘Ạitu tä hū ne pefä‘e.—Jemesa 1:13.

Huga pō fürmariạ ‘e ‘ineag ne ‘Ạitu ‘inea lelei pạu te a‘rū ne ‘is agtạu.—Sekaraia 2:8.

‘Ạiröt‘ȧk ne tē a‘rū ‘atakoa ‘i la öf.—Salamo 37:9-11.

‘I, hün he ruạ:

• ‘Ạitu fesiạ‘ pạu se tē a‘rū, ma puer se nonojo. Rē a‘häe se, ‘e av fak Puk Ha‘a, avat ne ‘on famori agtạu ma tē a‘rū, Jihova ‘on huga rū. Puk Ha‘a ‘ea ne ‘on huga rū ‘e rēko ‘oris “a‘rū‘ạki ma ‘oris noh raksa‘a.”—Gagaj Pure 2:18, New World Translation.

  ‘Ạitu fesiạ‘ ti‘ pạu se iris ne a‘sokoa a‘rū‘ạkiga. Kel‘ạkiạg het, Puk Ha‘a ‘ea ne iạ fesiạ‘ se “si‘ hap ne ji‘ȧk tot ‘on le‘et ne kat sar ra.” —Fäeag ‘Es Fuạga 6:16, 17.

• ‘Ạitu kokon‘ȧk ‘is le‘et se le‘et. ‘Eake le‘et ‘inea “ma ‘on pefä‘e, ma ‘on noh rū, ma tä‘ma‘ie.” Jihova tape‘ma ‘inea!—2 Puk ‘Asoat Se Puk ‘On Sạu 6:29, 30.

‘Elemea avat la Pure‘ag ‘on Jihova, la a‘öf te‘ ne ‘os tē a‘rū. (Mataio 6:9, 10) ‘E ‘on ‘i‘i, iạ a‘fürmariạ‘ạkia ‘iris ne aoa iạ ‘e ‘atakoa ne ‘oris huga.—Garue 17:27; 2 Korinita 1:3, 4.