Kugendera Beteli
Turagutumiye n’igishika cinshi ngo uzoze kugendera ibiro vyacu vy’amashami, ibikunze kwitwa Beteli. Ku biro vy’amashami bimwebimwe hariho amaratiro umuntu ashobora kwitemberezamwo.
Gusubira kugendera Beteli: Mu bihugu vyinshi, abantu barasubiye kugendera ibiro vyacu vy'amashami kuva ku wa 1 Ruheshi 2023. Wipfuza ayandi makuru, nuyabaze ibiro vy'ishami ushaka kugendera. Turakwinginze ntuzogendere Beteli mu gihe boba bagutoye korona, ufise ibimenyetso vy’inkorora canke giripe, canke uherutse kumarana umwanya n’umuntu batoye korona.
Ubutaliyano
Gusaba gutemberezwa
Imbere yo kuza gutembera, mwoba mukwiye kubanza kubisaba? Ego. Kugira ngo ntiduhave dusanga twaronse abashitsi benshi cane no kugira ngo twiyemeze ko bose batemberejwe neza, dusaba ko abipfuza kutugendera bose babisaba imbere yo kuza, uko boba bangana kwose. Mwobisaba hagisigaye nk’indwi. Mwipfuza kuza gutembera ku misi y’amakonje, mwobisaba hagisigaye indwi irenga.
Mwoba mwoshobora gutemberezwa naho mutoba mwabisavye? Muje mutabisavye vyoshoboka cane ko tutobakira. Kubera ko ikibanza ari gito, twakira abantu bakeyi gusa ku musi.
Muje gutembera mwoshika sangapi? Kugira abantu ntibarundane, vyoba vyiza mushitse hasigaye umwanya utarenga isaha imwe ngo hagere ko mutemberezwa.
Mwobisaba gute? Nimba umugwi wanyu ugizwe n’abantu badashika 20, nufyonde ahavuga ngo “Gusaba gutemberezwa: Abantu badashika 20.” Nimba na ho umugwi wanyu ugizwe n’abantu 20 canke barenga, nimutwandikire kuri InboxBTHLTourContact.IT@jw.org.
Mwoba mushobora guhindura isango canke gusivya urugendo? Ego. Fyonda ahavuga ngo “Kuraba ivyo wasavye canke kubihindura.”
Vyogenda gute usanze ata kibanza gisigaye ku misi wipfuza gutemberezwa? Nugume uraba ku rubuga rwacu. Birashika ikibanza kikaboneka hagize abahindura isango canke abasivya urugendo.
Gusaba gutemberezwa: Abantu badashika 20
Kuhagendera
Via della Bufalotta 1281
I-00138 ROME RM
UBUTALIYANO
+39 06-872941
Inzira wojana
Ibintu nyamukuru bihakorerwa
Barahagarikira igikorwa c’amashengero n’imigwi birenga 3.000 vyo mu Butaliyano no mu bindi bihugu. Barahindura ibitabu bishingiye kuri Bibiliya mu gitaliyano, mu rurimi rw’ibimenyetso rw’Abataliyano no mu kiladin co muri Val Gardena.