Ubona gute kazoza?
Iyi si yoba . . .
-
izoguma gutya?
-
izorushiriza kumera nabi?
-
izomera neza?
IVYO BIBILIYA IVUGA
“Imana . . . izohanagura amosozi yose ku maso yabo, kandi urupfu ntiruzoba rukiriho, eka n’ikigandaro canke amaborogo canke ububabare ntibizoba bikiriho. Ivya kera vyagiye.”—Ivyahishuwe 21:3, 4, Bibiliya y’isi nshasha.
ICO VYOKUMARIRA
Uzogira igikorwa c’ingirakamaro kandi gishimishije.—Yesaya 65:21-23.
Ntuzosubira kurwara canke gushikirwa n’imibabaro iyo ari yo yose.—Yesaya 25:8; 33:24.
Uzobaho uhimbawe kandi ibihe bidahera uri kumwe n’umuryango be n’abagenzi.—Zaburi 37:11, 29.
TWOBA VY’UKURI DUSHOBORA KWEMERA IVYO BIBILIYA IVUGA?
Egome, kubera n’imiburiburi imvo zibiri:
-
Imana irashoboye gushitsa ivyo yasezeranye. Muri Bibiliya, Yehova Imana ni we wenyene yitwa “Mushoboravyose,” kuko afise ububasha butagira aho bugarukira. (Ivyahishuwe 15:3) Ku bw’ivyo, arashoboye rwose gushitsa ivyo yasezeranye ko azohindura iyi si ikamera neza. Nk’uko Bibiliya ibivuga, “ku Mana vyose birashoboka.”—Matayo 19:26.
-
Imana iripfuza gushitsa ivyo yasezeranye. Nk’akarorero, Yehova ‘arashashaye’ kuzura abapfuye.—Yobu 14:14, 15.
Bibiliya irerekana kandi yuko Umwana w’Imana ari we Yezu yakijije indwara. Yabitumwe n’iki? Yabitumwe n’uko yabishaka. (Mariko 1:40, 41) Cokimwe na Se wiwe, Yezu yaripfuza gufasha abari n’ivyo bakeneye.—Yohani 14:9.
Turashobora rero kwemera tudakeka ko Yehova na Yezu bashaka kudufasha kuzobaho duhimbawe muri kazoza!—Zaburi 72:12-14; 145:16; 2 Petero 3:9.
ZIRIKANA KURI IBI BINTU
Ni gute Imana izohindura iyi si ikamera neza?
Bibiliya irishura ico kibazo muri MATAYO 6:9, 10 no muri DANIYELI 2:44.
Raba kandi
UMUNARA W’INDERETSI
Ukuri ku bijanye na kazoza
Niwizere ivyo Imana ivuga ku bijanye n’ingene izohezagira isi n’abantu bazoba bayibako.
IBINDI BIGANIRO
Niwizigire ko kazoza ari keza
Kubera iki ivyo Bibiliya isezerana bitandukanye n’ivyo abantu basezerana hamwe n’ivyo bavuga ko bizoba?
INYIGISHO Z'ISHIMIKIRO ZO MURI BIBILIYA
Ubwami bw’Imana ni iki?
Mu bikorwa Yezu yaranguye kw’isi, yarigishije cane ibijanye n’Ubwami bw’Imana. Haraciye imyaka amajana abantu basenga basaba ko ubwo Bwami buza.
UMUNARA W’INDERETSI
Ubwami bw’Imana buzokora ibiki?
Yezu yari azi ko Ubwami bw’Imana ari yo ntwaro yonyene ishobora gutorera umuti ingorane ziri kw’isi. Ni ibiki ubwo Bwami bumaze gukora bituma tugira icizigiro?
IBITWEREKEYE
Gusaba ko tukugendera
Nimuganire ikibazo gishingiye kuri Bibiliya canke mwige ibindi ku vyerekeye Ivyabona vya Yehova.
