Ninji Cinacitisa Kukhala na Umaso Wakutsandzaya M’banja?
Musanyerezera kuti ndi . . .
-
ufuni?
-
kobiri?
-
cinthu cinango?
BHIBHLYA ISALONGANJI
“Anyakutsandzaya ndiwo anabva mafala a Mulungu mbaakoya!”—Luka 11:28, Biblya Chisena.
PYENEPI PISABVEKANJI KWA IMWE
Kugumana ufuni wandimomwene.—Aefesi 5:28, 29.
Kukhala na cilemedzo candimomwene.—Aefesi 5:33.
Kukhala na citsidzikizo candimomwene.—Marko 10:6-9.
TINAKWANISADI KUKHULUPIRA PINALONGA BHIBHLYA?
Inde, pana mathangwi mawiri:
-
Mulungu ndi Ntomesi wa umaso wa m’banja. Bhibhlya isalonga kuti Yahova Mulungu ndiye anacitisa ‘mabanja onsene . . . kukhala na dzina.’ (Aefesi 3:14, 15, Tradução do Novo Mundo) Mu njira inango, masasanyiro a banja alipo, thangwi Yahova aacita. Pyenepi pisabvekanji?
Nyerezerani: Khala mwakomerwa na cakudya cakukoma kakamwe, mungafuna kudziwa unyomonyomo na maphikiro aco, mbamudabvundza ani? Mwakukhonda penula, mbamudabvundza ule adaciphika.
Mu njira ibodzi ene, toera kudziwa pinacitisa banja kukhala na umaso wakutsandzaya, mphyadidi tisake kuna Yahova, Ntomesi wa masasanyiro a banja.—Genesi 2:18-24.
-
Mulungu asakutsalakanani. Mphyandzeru kuti mabanja asake uphungu wa Yahova, unapereka iye kubulukira m’Mafalace. Thangwi yanji? ‘Thangwi iye asakutsalakanani.’ (1 Pedro 5:6, 7) Yahova asafuna pya udidi wanu—pontho, uphungu wace ndzidzi onsene usaphata basa!—Misangani 3:5, 6; Izaiya 48:17, 18.
NYEREZERANI
Munakwanisa tani kukhala mamuna, nkazi, peno nyakubala wadidi?
Bhibhlya isatawira mbvundzo unoyu pa AEFESI 5:1, 2 na AKOLOSE 3:18-21.
Panango Munakomerwa Kudziwa Ipi
LAMUKANI!
Mabanja Akutsandzaya—Kucita Pinthu Mwakubverana
Kodi ndzanu wa m’banja asapibva kuti imwe ndimwe ndzace wa m’banja?
PYA IFE
Thangwi yanji tisafunika kupfundza Bhibhlya?
Bhibhlya isatawira mibvundzo yakufunika kakamwe mu umaso, ya anthu azinji kakamwe pa dziko yonsene. Musafuna kukhala m’bodzi mwa anthu anewa?
PYA IFE
Phembani Toera Mucedzerwe
Cedzani pinalonga Bhibhlya, peno pfundzani pizinji thangwi ya Mboni za Yahova.
