Mbeni mbeti, so a sigi na ni ndali ti asage-femme, atene: “Alait ti abébé so azo asigi na ni apeut ti lingbi lâ oko ape na ngu ti me ti mbeni mama.” Mbeni raison so ndali ni ngu ti me ti mbeni mama ayeke nzoni mingi ndali ti bébé ti lo ayeke so terê ti mama ni ayeke changé ti lingbi na abezoin ti bébé ni.

 Ti gbu li na ndö ni: Ngu ti me ti mbeni mama ayeke changé na temps so mbeni bébé akomanse ti nyon ni juska na temps so mama ni azi lo na me. Tongana mbeni wali adü, a yeke wara na yâ ti ngu ti me ti lo gbâ ti aprotéine, avitamine, aminéraux nga na ngu, na tongana ngoi ayeke hon a yeke wara na yâ ti ngu ti me ni gbâ ti mafuta so asara si anzere na bébé ni ti nyon ni. Aye so ayeke na yâ ti ngu ti me ti mbeni mama ayeke changé alingbi na ngu ti bébé ni nga na ambeni ngoi na yâ ti ngu ni.

 Na yâ ti ngu ti me ti mbeni mama, wungo ti ambeni hormone so a iri ni mélatonine ayeke ga gbani na bï, me wungo ti ambeni hormone ni ayeke ga gbani na kota lâ. Na ambeni ngoi, ahormone ni so ayeke varié na ayeke sara si bébé ni alango wala lo lango ape, ye so la ayeke aidé bébé ni ti lango wala ti zingo.

 Ambeni lango na peko ti so a dü mbeni bébé, ngu ti me ti mama ni ayeke ga jaune na a iri ni colostrum. A yeke facile ti tene colostrum so gbâ ti avitamine ayeke na yâ ni ahon na yâ ti akamba ti yâ ti bébé ni; même si ayeke gï kete na yâ ti estomac ti bébé ni, a yeke sara aye ti nzoni mingi na lo. A yeke wara na yâ ti colostrum ni a-anticorps so ayeke bata bébé ni ndali ti akobela. Na ndö ni, a yeke aidé bébé ni ti sara kabinë nga a yeke néttoyé akamba ti yâ ti lo.

 Amama abezoin ti gi bê ti ala ape wala ngu ti me ti ala ni ayeke ga gbani, même tongana abébé ni ayeke angbo, ndali ti so ngu ti me ni ayeke ga gbani ti lingbi na bezoin ti abébé ni.

 Mo tene ti mo nyen? Eskê ngu ti me ti mbeni mama so anzoni ye ayeke dä mingi abâ gigi gï tongaso wala a créé ni crééngo?