Nyen la alingbi ti sara si sewa aduti na ngia?

JOUÉ NI

Mo pensé a yeke . . .

ndoye?
nginza?
mbeni ye nde?

YE SO BIBLE ATENE

“Ngia ayeke na ala so amä tënë ti Nzapa na abata ni!”—Luc 11:28, Mbeti ti Nzapa ti fini dunia.

TËNË SO ABÂ MO TONGANA NYEN?

Ye so ala lingbi ti sara ti ye terê ngangu.—aÉphésien 5:28, 29.

Ye so ala lingbi ti sara ti ne mba mingi.—aÉphésien 5:33.

Ye so ala lingbi ti sara ti mä terê nzoni.—Marc 10:6-9.

E LINGBI TI YEDA BIANI NA YE SO BIBLE ATENE?

En, ndali ti ambeni raison use tongaso:

Nzapa la asara si sewa abâ gigi. Bible atene so “na lege ti [Jéhovah Nzapa] asewa kue . . . awara iri ti ala”. (aÉphésien 3:14, 15). A ye ti tene so Jéhovah la asara si sewa abâ gigi. Nda ti tënë so ane, ngbanga ti nyen?

Bâ tapande so: Tongana mo te mbeni nzerengo kobe na mo ye ti hinga aye so ayeke na yâ ni, mo yeke hunda zo wa? Mo yeke hunda tâ gï zo so atö kobe ni so.

Legeoko nga, tongana mo ye ti hinga ye so asara si sewa aduti na ngia, a yeke nzoni mo bâ ndo na mbage ti Jéhovah, Lo so azia na sese tënë ti sewa.—Genèse 2:18-24.
Nzapa aye si mo duti nzoni. A yeke nzoni sewa ti mo agi wango na mbage ti Jéhovah, so lo zia ni na yâ ti Bible. Ngbanga ti nyen? “Ngbanga ti so lo yeke bi bê ti lo” na ndö ti mo (1 Pierre 5:6, 7). Jéhovah aye nzoni ti sewa ti mo, na hinga so awango ti lo ayeke lakue nzoni.—aProverbe 3:5, 6; Ésaïe 48:17, 18.

BÂ TËNË SO

Mo lingbi ti sara nyen ti duti nzoni koli, wala nzoni wali, nzoni babâ wala nzoni mama?

Kiringo tënë ni ayeke na A-ÉPHÉSIEN 5:1, 2 nga na ACOLOSSIEN 3:18-21.

Bâ nga

ZINGO NA LANGO!

Ndara asara si sewa ti mo aduti na ngia

Nyen la akoli, awali, ababâ na amama nga na amolenge apeut ti sara ti tene sewa ti ala aduti na ngia?

BIBLE ATENE TI LO NYEN

Eskê Bible apeut ti sara si sewa ti mbi aduti na ngia?

Bâ awango ti ndara so Bible amû si a-aidé akoli na awali kutu mingi ti duti na ngia na yâ ti sewa ti ala.

ZINGO NA LANGO!

Sewa so ayeke na ngia: Sara kua maboko na maboko

Eskê mo na koli wala wali ti mo ayeke gï tongana azo alango da oko, me pëpe tongana akoli na awali?

ASANGO NA NDÖ TI E

Ndani nyen ti manda Bible?—Yongoro ni

Bible ayeke mû maboko laso na azo kutu na kutu na yâ ti dunia kue ti wara akiringo tënë na angangu tënë so ala yeke hunda na yâ ti gigi ti ala. Mo nga kue mo ye ti duti na popo ti ala?