Qullaawu Maxaafire Rooꞌrsite Afate Hasirato?

 Qullaawa Maxaafa Nabbawa Mayiira Hasiissu?

QULLAAWU MAXAAFI wolootu Maxaaffawiinni baxxanohu baxxillaamo maganu biddishsha amadinoha ikkasiniiti. (1 Teselonqe 2:13) Qullaawu Maxaafi roso loosu iima hosiisitoro lowo hoꞌro afirato. ‘Duuchante eltonna coiimu atootii baalu’ buichcho ikkiyo maganira noohe baxilli lexxateni aleenni isiwa shiqatto. (Yaqoobi 1:17) Isiwa huucatotenni hiitto shiqatorono afatto. Qarru iillanohe woyiite maganu kaaꞌlo afirattora dandaatto. Qullaawu Maxaafi giddo noo uurinshshu diꞌrimi ledo sumuu yite heeritoꞌro maganu hegeꞌre heeshsho aannohe.—Roome 6:23

Qullaawu Maxaafi halaalanchcho egennote caabichcho amadino. Miloonete kirantano mannooti Qullaawu Maxaafi egenno afiransanni soꞌro ikkitino hedonni wolaphphitano. Lawishshaho: Halaale afanke reyiinumo gedensaanni ma-ikineemoro, reyiitinori gawajjo iillishshanonke yine wajjatenninna reyootenni baxxitinonke banxxeemonsa fiixinkena jallanke qarrantanninoo yine waajjatenni wolaphphisanonke. (Hiziqeeli 18:4) Qullaawu Maxaafi reyootenni kao lainohunni aanno rosi baxxanno mannoota reyootenni hogiyorira kajjille aanno. (Yohaannisi 11:25)  Busha sokaasine daafira halaale afanke durriisu loosinni qorophphineemo gedena uullate iima mitiimma maayira batidhinoro huwanteemo gede kaaꞌlanoke.

Qullaawu Maxaafi giddo anfanni maganittete amanyooti bisinkerano hoꞌro afisiisanonke dogoonni millinseemo gede rosiisanonke. Lawishshu gede: Rosinkenni “jilbbunniꞌre” ikka bisu keeranchimaankera kaaꞌlo aanno. (1 Ximotiwoosi 3:2) ‘Mannimanna ayyaana batteesanori duuchchunkunni umonke kereensateni’ fayyimanke gawajjitano coyiibanni qorophphineemmo. (2 Qorontosi 7:1) Ledotenino Qullaawu Maxaafi giddo anfanni maganu amaale loosu iima hosiisa adhana adhamanke hagiirruni woꞌmitnota ikkitano gedenna uminkera noonke ayirinyi gotti yaanno gede assanno.—1 Qorontoosi 6:18

Maganu qaale loosu iima hosiisattoha ikkiro, hagiiraamo ikkatto. Qullaawu Maxaafi egenno giddoyiidi kerenna geꞌne afi’neemo gede kaꞌlasinni aleenni hexxonke latisanno. Hattono shaqille, baxxille; hagiirre; keere; danchchimanna amaꞌno labbanno danchcha akatta lossiꞌneemo gede kaaꞌlanonke. (Galaatiya 5:22, 23; Efesooni 4:24, 32) Togoo akatta woyyaanboomo ayiiddaanna, woyi ayiiddaama; anna woyi amanna ooso ikkineemo gede kaaꞌlanonke.

 Albbillitte daganno yanna marichcho amadde dagganno yite hedde egeenootto? Qullaawu Maxaafi masaalo hittoo yanna giddo heeꞌnoomo gede kultanonke. Kuriuu masaalo alame xaa yannara mayi garinni noo gede xawisa calla ikikkinni maganu Uulla muli yanna giddo gannatete widira soorranno gede xawissanno.—Ajuuja 21:3, 4

Qullaawa Maxaafa Huwatate Dandiisissanno Kaaꞌlo

Qullaawa Maxaafa nabawate woꞌnaalootoha ikkirono huwatate kayiinni qarrisinoheha ikkano. Surrekira noohe xaꞌmora Qullaawu Maxaafi giddonni dawaro afira dandaatota afate qarrisinoheha ikkanno. Hatto ikkiro togoo qarri iillinohu atera calla diꞌikkino. Baalankeno ikkinummoro maganu qaale huwatate kaaꞌlo hasiissanonke. Yihoowu Farcirasine 235 ikkitanno gobbara miloonete kiirranni mannootira woxe batisiisukkinni Qullaawu Maxaafi roso uyiitano. Ateno kaaꞌlate fajjamaasinete.

Umi rosinni ka”ateni duuchcha woyiite Qullaawa Maxaafa dirimu dirimunni xiinxalla woyya ikkitano. (Ibirawuyaani 6:1) Xiinxallokinni lophphitto deerrinni “kaajjado sagale” kunino diimete halaale huwatate dandoo hedhanohe. (Ibirawuyaani 5:14)Umi soreessa assine qummi assinannihu Qullaawa Maxaafati. Maganu Ninkewiinni Hasirannohu Maati? yitano birosheꞌre gedee noo borro xalalu Maxaafi iima hanafantino babaxitino hajote birxxe laino qumeeshsha wodanchatto gede kaaꞌlitanohe.

 Lamalate Giddo Qullaawa Maxaafa Huwatattora Yanna Murate Fajjamessaho?

Duuchchawoyite Qullaawa Maxaafa xinxxallate atera injiitanohe yannanna darga qixxaawo assa dandiinanni. Duuchcha manna uminssa mine wolu manni xinxxallisiisanosa. Mitu mitu manni silketenni xinxxallitano. Rosu pirograame lowo rosaano mitteenni kifilete giddo heedhe rossano gede ikkikinni egenno afirate wolqakinna rosikki deerra hedote giddora eesine hojjimate deerrinni qixxeesinaniho. Fonqolu noyiki dafira wajjishanoheha di-ikkino. Qullaawu Maxaafi xaꞌmokira qolo affiratoha ikkinohunni aleenni maganunniwa hiito shiqattoro rosatto.

Togoo xinxxallora bantanniri dino. (Mattiwoosi 10:8) Ayee amaꞌno miillarano ikko uminsa amaꞌno heedhunsakkinni maganu qaalira noonsa egenno lossirate wodanu halchcho noonsarira baato nooyikiha Uuyinanni rosooti.

Konni hasaawira ayi beeqara dandaanno? Maatekki baala beeqitara dandiitano. Koyiisattora hasirato jaallakino heedhuro beeqitara dandiitano. Hasaawa konne callaakkino assa dandaatto.

Lowo mannooti Qullaawa Maxaafa xinxxallate lamalate giddo mitte aate mudhitano. Xinxxallokira lamalate giddo mitte saate aleenni woyi woroonni mudhatoha ikkiro Yihoowu Farciraasine kaꞌlitahera pirograamensa biddi assitano.

 Qullaawa Maxaafa Rosattora Shiqinohe Koyiishsha

Yihoowu Farciraasine ledo xaadatto gede koyiinseemohe. Togo assate dandaatto doogo umiti woroonni noo teessora borreessateniiti. Hakichinino mittu manchchi baato noyikiha Qullaawa Maxaafa xinxxalisiisannohe gede qixxaawo assinanni.

□ Maganu Ninkewiinni Hasirannohu Maati? yinanni birusheꞌre sokkeꞌe. Hikunni afiinni hasiratoꞌro qummi assi (Amaaru woyi Ingilizete).

□ Qullaawa Maxaafa rosa hasiꞌreemo daafira eeggotena hasaawise”e.

Wole xawishsha aa hoongi geeshsha metseetichote iima noo qummeeshsha haꞌnoonihu 1954 M.D Amaaru afii tirroonni Qullaawu Maxaafiniiti.